Алматы тұрғыны «Медеу» мұз айдынының жанында ақылы тұрақ жасау туралы шешімге наразы болды, деп хабарлайды Qazaqpress Tengrinews.kz-ке сілтеме жасап.
Оның айтуынша, тұрақтың ақшасы жеке компанияның қалтасына түседі.
«Алматылықтар Көк базардағы тариф көтерілгенде үндемеді, қазір 100 теңгенің орнына 150 теңге төлейміз. Біздің көңгіштігіміз бен үнсіздігіміз «Медеудегі» тұраққа тәулік бойы ақша төлеуге әкелді. Менің ойымша, бұл тек бастамасы. Біздің үнсіздік – AParking-ке төленетін алтын», – деп жазды Андрей Андреев Facebook-те.
Жазбаға жазылған пікірлер арасында қазақстандықтарды бәрінен бұрын тұрақтан түскен ақша қалай жұмсалатыны қызықтырды.
«Төлеу керек, бюджетке түссе». «Ақша кімнің қалтасына түсетіні белгісіз». «Нұр-Сұлтан мен Алматыдағы көшелерде, қоғамдық орындарда көлік қоюға төленетін ақшаны неге жеке компаниялар алады? Жеке компаниялар салық төлейді деп айтпауыңызды сұраймын. Салықты елімізде бәрі төлейді», – деп жазып жатыр қазақстандықтар.
Андрей Андреев тұраққа ақы төлеуге қарсы емес екенін, бірақ тариф үшін 100 теңге де дұрыс баға болатынын айтты.
«Алайда мен ақшаның жеке біреудің қалтасына түсуіне үзілді-кесілді қарсымын, өйткені қалаға пайда жоқ. Салық сомасы шынымен аз. Компанияның өзі тәртіп орнатпайды, аумақты тазаламайды, автомобильдердің қауіпсіздігі үшін ештеңе жасамайды. Олар бейнекамералар қоюға, белгілер сызуға уәде берді, бірақ ештеңе істеп жатқан жоқ», – дейді ол.
Еске салайық, «Медеу» мұз айдынының жанындағы көлік тұрағы 15 наурыздан бастап ақылы болады. Тұрақ 191 көлікке арналған. Бір сағаттың құны 100 теңге. Жұмыс тәртібі – тәулік бойы.
Сіз жаңалықтар туралы не ойлайсыз