Ақтау қаласында екі адам белгісіз химиялық заттан уланып қайтыс болды, деп хабарлайды Qazaqpress Tengrinews.kz-ке сілтеме жасап.
Айта кетсек, тағы алты адам жедел түрде ауруханаға жатқызылды.
«Құзырлы органдар мәліметіне сүйенсек, Ақтау тұрғыны көршілеріне ескертпей өз пәтерін «Квикфос» дәрісімен (жәндіктерді жоюға арналған) зарарсыздандырған. Нәтижесінде көрші пәтерлердің бірінде анасы мен қызы қайтыс болды. Іс бойынша сот-медициналық сараптама тағайындалды», – деп хабарлады Қоғамдық коммуникациялар орталығы (ҚКО) өкілдері.
Іс ҚР ҚК-ның 304-бабы 4-бөлігіне сәйкес Ақтау қаласының полиция басқармасына тіркелді. Қазіргі уақытта сотқа дейінгі тергеу жүргізіліп жатыр, пәтер иесі анықталды.
Сіз жаңалықтар туралы не ойлайсыз