Денсаулық сақтау министрлігі Қарағандыдағы мейрамханада тойда жүрген судьяның видеосы туралы пікір білдірді, деп хабарлайды Qazaqpress Tengrinews.kz-ке сілтеме жасап.
Судья карантин шарасын бұзған қонақтармен бірдей жауапкершілікке тартылады.
Қазақстанның бас мемлекеттік санитар дәрігер Ерлан Қиясов Денсаулық сақтау министрлігі «бұл жағдайды», яғни мейрамханада халықты жинап той өткізген судьяның әрекетін құптамайтынын айтты.
– Бұл жағдай бойынша тиісті жұмыстар жүргізіліп жатыр. Судья Қазақстан азаматына қарастырылған жауапкершілікке тартылады.
Бұл жалпы халықтың денсаулық жағдайына теріс әсер етеді. Қажетті шаралар қабылдаймыз. Мен заңбұзушыларды лауазымына қарай бөлмеймін. Ондай адамдар керісінше үлгі көрсетуі қажет, – деді денсаулық сақтау вице-министрі, бас мемлекеттік санитар дәрігер Ерлан Қиясов ОКҚ брифингінде.
Сіз жаңалықтар туралы не ойлайсыз