Impact Hub Almaty Шеврон компаниясымен серіктестікте үкіметтік емес ұйымдарды, азаматтық қоғам өкілдерін және әлеуметтік кәсіпкерлікпен айналысатын адамдарды 2020 жылы әлеуметтік кәсіпкерлік идеяларын насихаттап және осы салада елеулі еңбек еткені үшін «Ozgeris Ustasy» Премиясына үміткер болуға шақырады.
«Ozgeris Ustasy» сыйлығы – бұл Impact Hub Almaty және Қазақстан Республикасы Ақпараттық және әлеуметтік даму министрлігімен серіктестікте 2019 жылы құрылған әлеуметтік кәсіпкерлікті дамытуға қосқан үлесі үшін республикалық сыйлық.
Өтініштерді қабылдаудың соңғы мерзімі: 2021 жылғы 12 наурыз.
Премияның мақсаты Қазақстандағы әлеуметтік кәсіпкерлікті дамытудың маңыздылығына үлкен аудиторияның назарын аудару, Қазақстандағы әлеуметтік кәсіпкерлік саласындағы көрнекті мамандардың еңбегін қоғамға таныту, леуметтік кәсіпкерлік институтына назар аударту, Қазақстанда әлеуметтік кәсіпкерлікті танымал ету болып табылады.
Биыл әлеуметтік кәсіпкерлерге сыйлық 7 номинация бойынша беріледі: денсаулық сақтау саласындағы әлеуметтік кәсіпкерліктің ең жақсы үлгісі, экология саласындағы әлеуметтік кәсіпкерліктің ең жақсы үлгісі, мәдениет пен өнер саласындағы әлеуметтік кәсіпкерліктің ең жақсы үлгісі. осал топтарды қолдау саласындағы әлеуметтік кәсіпкерліктің ең жақсы үлгісі, аумақтарды дамыту саласындағы әлеуметтік кәсіпкерліктің үздік үлгісі, әлеуметтік кәсіпкерлер арасында COVID-19 пандемия салдарын шешуге арналған инновация және 2021 жылғы арнайы номинация — әлеуметтік кәсіпкерлер арасында COVID-19 пандемия салдарын шешуге арналған инновация.
Жүлденің жалпы жүлде қоры 5 000 000 теңгені құрайды.
Үміткерлер 2021 жылдың 15 ақпанынан 12 наурызына дейін http://ozgeris-ustasy.kz/ сайтында өтініш бере алады.
Жеңімпаздарды таңдау бірнеше кезеңнен тұрады: сайтқа өтінімдерді қабылдау, сараптама комиссиясының жартылай финалистерді анықтауы, ашық онлайн дауыс беру және жеңімпаздарды таңдау. Марапаттау рәсімі онлайн режимде 2021 жылғы 30 сәуірде өтеді.
Айта кетейік, Премия алғаш рет әлеуметтік кәсіпкерлерге 2019 жылы берілді.
Білім беру саласындағы әлеуметтік кәсіпкерліктің үздік үлгісі номинациясы бойынша 2019 жылғы жеңімпаздар:
- Salem Social Village, Шымкент қаласы.
- «КОМУНИТИПЛЮС» мәдени, әлеуметтік және білім беруді дамыту қоры» Қоғамдық қоры, Алматы қаласы.
- «Аялаған Алақан» қоғамдық қайырымдылық қоры, Батыс Қазақстан облысы.
Осал топтарды қолдау саласындағы әлеуметтік кәсіпкерліктің үздік үлгісі номинациясы бойынша 2019 жылғы жеңімпаздар:
- «Ерекше өмір» мүгедек балаларды қолдау ақпараттық-үйлестіру ресурстық орталығы Қоғамдық қоры, Көкшетау қаласы.
- «Жамбыл облысының коммерциялық емес ұйымдарының Қауымдастығы» заңды тұлғалар бірлестігі, Тараз қаласы.
- «Ski Park Pioneer» жауапкершілігі шектеулі серіктестігі, Алматы қаласы.
- Қарабеков атындағы қоғамдық қор, Нұр-сұлтан қаласы.
- «JARQYN BOLASHAQ» жастар қоғамдық бірлестігі, Атырау облысы.
- «Шеберлер елі»мүгедектер қоғамдық бірлестігі.
- «Мөлдір көз» қоғамдық бірлестігі, Атырау қаласы.
- «Психоаналитикалық қауымдастық» қоғамдық бірлестігі, Алматы қаласы.
- «Маңғыстау облысының пауэрлифтинг және жатып сығымдап көтеру Федерациясы» қоғамдық бірлестігі, Маңғыстау облысы.
Экология саласындағы әлеуметтік кәсіпкерліктің үздік үлгісі номинациясы бойынша 2019 жылғы жеңімпаздар:
- «Арнау» даму орталығы » қоғамдық бірлестігі, Нұр-сұлтан қаласы.
- «Жайық-Каспий Орхус орталығы» корпоративтік қоры, Атырау облысы.
- EcoWasteAktau, Маңғыстау облысы.
Шеврон компаниясы «Әлеуметтік кәсіпкерлікті қолдау бойынша корпоративтік сектордың үздік бастамасы» ретінде ұсынылды.
Самұрық-Қазына Траст «Әлеуметтік кәсіпкерлікті қолдаудың үздік мемлекеттік шарасы» номинациясында Премия иегері атанды.
АҚШ-тың халықаралық даму агенттігі (USAID) «Әлеуметтік кәсіпкерлікті қолдау үшін халықаралық институттың ең жақсы бастамасы» ретінде ұсынылды.
«Ozgeris Ustasy» бағдарламасын іске асыру барысында 150 әлеуметтік кәсіпкердің бірінші республикалық bp реестрі таныстырылды.
Премияның әлеуметтік желілердегі беттер:
https://www.instagram.com/ozgeris_ustasy/
https://web.facebook.com/ozgerisustasy
Барлық сұрақтар бойынша IHA бағдарламасының менеджері Фарида Наврузбекова, farida.navruzbekova@impacthub.net, +7 702 413 4569
Анықтама:
Impact Hub Almaty (IHA) — бұл Қазақстандағы әлеуметтік және шығармашылық кәсіпкерлікті дамытуға жан-жақты қолдау көрсететін бірегей алаң. Платформа Chevron компаниясы мен Орталық Азияның Еуразия қорының қолдауымен құрылды. 5 құрлықтағы 16000 мүшесі бар 100-ден астам хабтан тұратын ғаламдық желі. Impact Hub Network құрамында IHA коворкинг, іс-шаралар алаңы, үдеткіш бағдарламалар, Алматы қ. мен Қазақстанда тәлімгерлерді оқыту және қолдау, әлеуметтік және шығармашылық кәсіпкерлердің инновациялық қауымдастығына қол жетімділікті ұсынады.
Шеврон — «Шеврон» корпорациясы — әлемдегі жетекші интеграцияланған энергетикалық компаниялардың бірі. Біз шикі мұнай мен табиғи газды барлау, өндіру және тасымалдауды жүзеге асырамыз; көліктік жанар-жағармай материалдарын өңдейміз, өткіземіз және таратамыз; мұнай-химия өнімдері мен қоспаларын өндіріреміз және сатамыз; Біз сонымен қатар технологияларды дамытумен және қолданумен айналысамыз.
«Шеврон» Қазақстандағы жетекші жеке мұнай компаниясы болып табылады және елдің ең ірі екі кен орны – Тенгиз және Қарашығанақ кен орындарында акция пакеттеріне иелік етеді. Корпорация сонымен қатар Каспий Құбыр Консорциумының ірі жеке акционері болып табылады және сонымен қатар Атыраудағы полиэтилен құбырлары зауытының және құбыр арматурасы зауытының қызметін сәтті басқарады.
Компания сонымен қатар елдің әлеуметтік-экономикалық дамуына — сервистік және әлеуметтік инфрақұрылымды құруға, денсаулық сақтау және білім беру нысандарын жабдықтауға, әлеуметтік жағынан осал топтармен жұмыс істеуге, білім беруді дамытуға, экологиялық, әлеуметтік және шығармашылық кәсіпкерлікті дамытуға белсенді түрде қатысады.
Сіз жаңалықтар туралы не ойлайсыз