Талдықорған қаласының бас санитариялық дәрігері Ермек Әсімқұлов Талдықорған қаласы аумағында карантин режимін күшейту және кейбір шектеу шараларын енгізу туралы Қаулы шығарды, деп хабарлайды Qazaqpress ҚазАқпаратқа сілтеме жасап.
«Талдықорған қаласының аумағында коронавирус инфекциясының таралуына жол бермеу жөніндегі жедел штабтың шешімі бойынша карантин режимі және кейбір шектеу шаралары енгізілсін. Covid-19-дың таралуына және эпидемиологиялық жағдайға байланысты карантин режимі мен мерзімдері өзгертілуі мүмкін», – делінген Қаулыда.
Қаулыда жазылғандай қашықтықтағы форматта техникалық және кәсіптік, орта және жоғары білім беретін мектептер мен ұйымдарда онлайн режимде оқыту мерзімі ұзартылады.
«65 жастан асқан азаматтар үшін көшеге шығуға қатаң тыйым салынады. Сауда және ойын-сауық орталықтары, сауда нысандары адам сыйымдылығы 30%-дан аспауы керек, жұмыс уақыты күндізгі сағат 10:00-ден түнгі 22:00-ге дейін, жексенбі күні жұмыс істеуге тыйым салынады», – делінген құжатта.
Сіз жаңалықтар туралы не ойлайсыз