Ақтөбеде өртеніп кеткен үйден адамның денесі табылды

Ақтөбе облысы, Мұғалжар ауданы, Темір мост ауылында үй өртенді, деп хабарлайды Qazaqpress ҚазАқпаратқа сілтеме жасап.

Бүгін сағат 11:50-де Мұғалжар ауданы Темір мост ауылында тұрғын үйден өрт шыққаны туралы хабарлама түсті. Шақырту орнына аудандық өрт сөндіру бөлімінің жеке құрамынан 3 адам, 1 техника жіберілді.

«Өрт 14:09-да толығымен сөндірілді. Өрттің жалпы аумағы 100 шаршы метрді құрады. Оқиға орнында 1966 жылғы үй иесінің денесі табылды. Қазіргі уақытта өртенген үйдің бөлшектерін талдау жұмыстары жүргізіліп жатыр», — деді облыстық ТЖД баспасөз қызметі.