Алматы қаласының полицейлері жыл басынан бері есірткі саудасына қатысы бар 247 сайтты анықтап, бұғаттады, деп хабарлайды Qazaqpress Polisia.kz-ке сілтеме жасап.
Жыл басынан бері жедел-іздестіру іс-шаралары мен есірткі қылмыстарына қарсы күрес басқармасы қызметкерлерінің Интернетке мониторинг жүргізуі барысында есірткі және психотроптық заттарды тарату туралы ақпараты бар 247 сайт анықталды.
«Сонымен қатар, өткен жылы синтетикалық есірткі шығаратын бес зертхана анықталып, жойылды. Барлығы есірткіні тікелей байланыссыз сатумен айналысқан бес күдіктінің қатысуымен екі ұйымдасқан қылмыстық топтың қылмыстық әрекеттерінің жолы кесілді. Тұтастай алғанда, есірткінің заңсыз айналымы саласында 400-денаса адам қылмыстық жауапкершілікке тартылды және ұзақ мерзімдерге бас бостандықтарынан айырылды», – деді Алматы қалалық Полиция департаментінің басшысы Қанат Таймерденов.
Сіз жаңалықтар туралы не ойлайсыз