Әкімдік, қалалық орта сапасы және бақылау басқармасы өкілдері мен полицейлерден құралған мобильді топ өткен тәулікте 139 кәсіпкерлік мекемені тексерді, деп хабарлайды Qazaqpress ҚазАқпаратқа сілтеме жасап.
Тексеру барысында карантин тәртібін бұзған 7 объекті анықталды. Оның ішінде дүкендер, кафе-барлар мен спа салон бар.
Сондай-ақ Тұран көшесінде «Қыз ұзату» және 50 жас мерейтой тойланып жатқан. Екі мерекелік іс-шарада да қонақтар карантин ережесін және әлеуметтік қашықтықты сақтамаған. Мобильдік топ тексерген кезде ұзату тойға қатысушылардың бәрі ортада билеп жүрген және қонаққа келгендердің ішінде жас балалар мен қарияларға дейін болған.
Тәртіп бұзушыларға қатысты жиналған материал ҚР ӘҚБтК 425-бабына сай әкімшілік жауапқа тарту үшін Нұр-Сұлтан қаласының қалалық орта сапасы және бақылау басқармасына жіберілді.
Сіз жаңалықтар туралы не ойлайсыз