Алматы орталығында басына мұз түсіп, қайтыс болған әйелдің өлімі туралы іс бойынша күдікті пәтер иелерінің кооперативі төрағасына қатысты сот үкімі шықты, деп хабарлайды Qazaqpress Tengrinews.kz-ке сілтеме жасап.
Ер адам өз міндеттерін орындамады деп айыпталды.
«К.Қарыбаевты Қылмыстық кодекстің 254-бабы бойынша кінәлі деп танылсын және қауіпсіздігі барынша төмен атқарушы жүйе мекемесінде екі жыл және алты ай бас бостандығынан айыру түріндегі жаза тағайындалсын. Сот залында қамауға алынсын», – деді судья Арай Нұғыманова.
Іс бойынша сот отырысы онлайн өтті.
Еске салайық, 2018 жылдың қарашасында алматылық әйелдің басына мұз түсіп мерт болғаны хабарланған еді. Оқиға 20 қарашада сағат 12.52-де болған. Марков көшесі, №75 мекенжайындағы 9 қабатты («AdalResidence») тұрғын үйдің төбесінен мұз түскен болатын.
Сіз жаңалықтар туралы не ойлайсыз