Солтүстік Қазақстан облысында тәртіп сақшылары биыл із-түзсіз жоғалған 67 адамды тапты, деп хабарлайды Qazaqpress ҚазАқпаратқа сілтеме жасап.
СҚО Полиция департаменті баспасөз қызметінің мәліметінше, адамдардың хабар-ошарсыз кетуінің екі себебі бар. Ең біріншісі – маскүнемдік. Араққа салынған адам өзі сияқты спирттік ішімдік ішетіндерді жағалайды. Олар үшін отбасы, туған-туыс екінші орында.
«Тағы бір жиі кездесетін сценарий – адамдар жақындарын ескертпей, табыс табуға кетеді. Бұл – жауапсыздық. Оны ата-анасы, туған-туыстары іздеп, алаңдайтынына мән бермейді», — дейді СҚО Полиция департаменті Криминалдық полиция басқармасының бастығы Петр Климов.
«Із-түзсіз жоғалғандарды іздестіру – криминалдық полиция жұмысының бір бағыты. Іздестіру іс-шарасына көп адам тартылады: жедел уәкілдер, волонтерлер ұйымдарымен бірлесе фактілерді тексереді. 11 айдың ішінде СҚО-да хабар-ошарсыз кеткен 90 адам іздестірілді. Оның 67-сінің жүрген жері анықталды», — дейді Петр Климов.
Сіз жаңалықтар туралы не ойлайсыз