Біз Солтүстік Қазақстан облысының Аққайын ауданына «Еңбек» мемлекеттік бағдарламасы бойынша Қазақстанның жұмыс күші артық аймақтарынан қоныс аударушылар үшін салынған үйлердің сапасының төмендігі туралы мәселесін көтергеннен кейін, облыс басшылығы Аққайын ауданының әкімі Рүстем Елубев, аудан әкімінің орынбасары Самат Сарсымбаев және тұрғын үй-коммуналдық шаруашылық бөлімінің бастығы Руслан Садвокасовқа «қатаң сөгіс» түріндегі тәртіптік жаза қолдану ұсынылды.
Аққайын ауданының әкімі Рүстем Елубаевқа берілген «қатаң сөгіс» түріндегі тәртіптік жазамен келіспейміз. Облыс әкімі Құмар Ақсақаловтан прокуратура және облыстық сыбайлас жемқорлыққа қарсы қызметпен бірлесіп, мұқият тергеу жүргізіп, осы тұрғын үйлерді пайдалануға берген адамдарды заң шеңберінде жазалауды сұраймыз. Салынған үйлердегі барлық анықталған ескертулер екі апта ішінде жойылуы қажет.
Біз қоғамдық бақылауды қамтамасыз етеміз, барлық мүдделі азаматтардан осы мәселені назарда ұстауын сұраймыз.
Бүгін, 20 қараша күні, сағат 16:00-де біздің өкілдер Солтүстік Қазақстан облысы әкімінің орынбасары Асқар Сақыпкереевпен кездеседі. Қазір Петропавлда орналасқан мобильді азаматтық платформаға келген сауалдар, сондай-ақ облыстың проблемалық аймақтарын көріп, біз бірқатар сұрақтарды дайындап, оларға нақты жауаптар алғымыз келеді.
Біз бұқаралық ақпарат құралдарының өкілдерін облыс басшылығымен кездесуге шақырамыз. Кездесу орны: Петропавл қаласындағы облыстық әкімдіктің ғимараты, Қазақстан Конституциясы 58, аккредитация нөмірі +77019391010.
Сіз жаңалықтар туралы не ойлайсыз