Алматы коронавирус бойынша «сары аймаққа» енді

Денсаулық сақтау министрі Алексей Цой Алматы коронавирус таралуы бойынша «сары аймаққа» енгенін айтты.

— Павлодар, Ақмола, Қостанай облыстары, Нұр-Сұлтан және Алматы қалалары қауіп-қатердің орташа тәуекеліне ие – «сары зонада», — деді министр.

Министрдің айтуы бойынша, Шығыс Қазақстан және Солтүстік Қазақстан облысы инфекция таралу қаупі жоғары «қызыл аймақта» тұр. Қалған өңірлер инфекцияның таралу қаупі төмен салыстырмалы түрде «жасыл аймақта».