Бұл мәселені негізі журналистер көтерген болатын және бұған дейін билік «Тұңғыш Президент туралы» заңның күшін жыл соңына дейін жоямыз, деп уәде еткенін еске салған еді. Алайда, Парламент өкілдері үкімет әзірге тиісті заң жобасын әзірлеп жатқан жоқ деп мәлімдеді.

Журналистер «Тұңғыш Президент туралы» заңын жою жобасы қашан әзірленетінін сұраған кезде Әлілет вице-министрі Алма Мұқанова:

«Жалпы, заңнаманы, оның ішінде «Тұңғыш Президент туралы» заңын қайта қарастыру бойынша жұмыс жүргізілуде, сондықтан біз қайта қарау процесі аяқталған кезде ғана нақты ақпарат бере аламыз. Бірақ, тікелей үкіметтің бастамасымен тиісті заң жобасы әзірленіп жатқан жоқ. Әзірге қазір тек ревизиондық материалдармен жұмыс істеп жатырмыз», – деді.

[Авт. анықтамасы] Ревизионизм – нақты бір саяси-қоғамдық қозғалыстардың арқасында саяси жүйенің кейбір тұстарын қайта қарастыру мүмкіндігі.

Нормалар «Қазақстан Республикасының кейбір заңнамалық актілеріне кинематография және мәдениет мәселелері бойынша өзгерістер мен толықтырулар енгізу туралы» заң жобасына енгізілді.

«Қазақстан Республикасындағы мерекелер туралы» заңына енгізілген өзгертулерге сәйкес 25 қазан Республика күні атты мемлекеттік мерекеге, 16 желтоқсан Тәуелсіздік күні атты мемлекеттік мерекеге айналады.

Сондай-ақ ұсынылған түзетулерде 1 желтоқсан – Тұңғыш Президент күні мерекесі мемлекеттік мерекелер тізімінен жойылды. Ұсынылған заң жобасы президенттің бекітуіне жіберіледі.

Сенат төрағасы Мәулен Әшімбаев 25 қазанды мемлекеттік мереке ретінде қабылдағанымыз мемлекеттілік пен егемендік тұрғысынан маңызды қадам екенін айтты. Бұл мереке тәуелсіздікті дәріптеп, нығайтуға септігін тигізеді деген үмітте ол.

Еске сала кетелік, Қазақстан президенті Республика күнін қайтадан мемлекеттік мереке ретінде қабылдауды ұсынған болатын.

25 қазан – Республика күні

Президент Республика күні еліміздің алға жылжуына көмектесетін қайраты мен мемлекеттілік жолындағы табандылықтың символы болу керек деп есептейді. Сонымен қатар, ол Тәуелсіздік күні ең басты мемлекеттік мереке екенін және мерекеде тәуелсіздікке қол жеткізуге үлкен үлесін қосқан ұлттық батырларымызға да тағзым етуіміз керек деп ойлайды.

Республика күні бұрын Қазақстанда ұлттық мереке деп саналған жоқ еді. Ол 25 қазан – 1990 жылы Қазақ КСР-нің Мемлекеттік егемендігі туралы Декларация қабылданған күні ғана тойланған болатын. Бүгіннен бастап енді тәуелсіздік күнімен қатар 25 қазан да демалыс күні деп қабылданатын болады.