Жыл сайынғы халықтың өмір сүру сапасын анықтау үшін жүргізілген сауалнаманың нәтижелері бойынша 2021 жылдың наурызында өз өміріне толық қанағаттанған респонденттердің саны 61,3% -ға дейін төмендеді (2020 ж. наурызында – 63,5%).

Өз өміріне ішінара қанағаттанған халықтың саны 35,8% -дан 38% -ға дейін өсті, ал қанағаттанбағандардың саны 0,6% -дан 0,5% -ға дейін төмендеді.

2020 жылы өз өмір сүру жағдайына қанағаттанған респонденттердің саны 58,1% құраса, 2021 ж. 54,7% құрайды.

Тұрмыстық жағдайға жартылай қанағатты адам саны 40,6% -дан 43,7% -ға дейін өсті, ал қанағатсыздардың саны 1,2% -дан 1,3% -ға өсті.

Тұрғылықты жерге байланысты адамның өмірі мен тұрмыс жағдайына қанағаттану деңгейі әртүрлі болады. Осылайша, қалада халықтың 56,1% -ы өз өміріне толық қанағаттанса, 49,8% -ы тек тұрмыс жағдайына қанағатты. Ал 0,5% адам өміріне қанағаттанбайды, 1,4% өмір сүру жағдайына қанағаттанбайды.

Ауылдық жерлерде өз өміріне толық қанағаттанғандар саны 70,7% -ды, тұрмыс жағдайына 63,7% -ды құрайды; ал 0,4% -ы өміріне қанағаттанбайды, 1,1% -ы тұрмыс жағдайына қанағаттанбайды.

Материалдық қамтамасыз ету деңгейін бағалау қызметінің есебіне сай көпшілік өзін орташа топқа жатқызды: 65,6% (2020 ж. – 63,8%). Ортадан едәуір жоғарылардың саны 17% (2020 ж. – 18,1%) құрады, ал 11,6% -ы (2020 ж. – 11,6%) орташа деңгейден төмен деп саналды.

Респонденттердің 0,4% -ы (2020 ж. – 0,3%) өздерін табысы төмендердің қатарына жатқызды, ал өмір сүру деңгейі жоғары адамдар — 0,8% (2020 ж. – 0,7%) құрайды.

Өздерін салыстырмалы түрдк бай санайтындардың үлесі бір жыл ішінде 5,5% -дан 4,6% -ға дейін төмендеді.

2021 жылы респонденттердің 60,5% -ы өздерінің әл-ауқаты өзгермегенін айтты, тіпті респонденттердің үштен бір бөлігі керісінше, әлдеқайда жақсарды деді.

6,5% -ы ғана әл-ауқатының нашарлағанын айтқан болатын, бұл 2020 жылдың көрсеткішіне қарағанда 2 есеге көбірек (2020 – 3,3%).