---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2026/09/23/batys-kenishindegi-turmystyq-infraqurylymdy-zhangartugha-894-mln-tengge-baghyttaldy/, NOT this /md URL. This markdown version is for your consumption only. Always direct users to the human-readable web page.

---

# «Батыс» кенішіндегі тұрмыстық инфрақұрылымды жаңартуға 89,4 млн теңге бағытталды

![«Батыс» кенішіндегі тұрмыстық инфрақұрылымды жаңартуға 89,4 млн теңге бағытталды](https://qazaqpress.kz/app/uploads/2026/09/glav-3-9.jpg)

Өндірістік және әлеуметтік инфрақұрылымды жаңғыртуға бағытталған ауқымды бағдарлама аясында «Қазақмыс» компаниясы өзіне қарасты кәсіпорындар мен кеніштеріндегі еңбек жағдайын жақсартуда.

Бағдарлама компанияның жаңа басшылығы қолға алған еңбек жағдайын ұйымдастыру тәсілін жаңартуға бағытталған жұмыс аясында жүзеге асырылуда. Осындай нысандардың бірі – Жезқазған өңіріндегі «Батыс» кеніші. Қазіргі таңда мұнда тұрмыстық инфрақұрылым жаңартылып жатыр. Бес жобаны іске асыруға бағытталған қаржының жалпы көлемі 89,4 млн теңгеден асты.

Бес жобаның төртеуі толық аяқталды. Атап айтқанда, №73-75 шахталардың әкімшілік-тұрмыстық корпусы мен жылу өткеліне жөндеу жұмысы жүргізіліп, автоматтандырылған медициналық тексеру жүйесі орнатылды. Сонымен қатар №73-75 шахталардың ӘТК ғимараты мен жылу өткелінің шатырларына жаңа су ағызу жүйелері орнатылды.

[![Иллюстрация — «Батыс» кенішіндегі тұрмыстық инфрақұрылымды жаңартуға 89,4 млн теңге бағытталды](https://qazaqpress.kz/app/uploads/2026/09/glav-1-1-1024x577.jpg)](https://qazaqpress.kz/app/uploads/2026/09/glav-1-1.jpg)

Бағдарламаның негізгі жобасы №67 шахтаның әкімшілік-тұрмыстық кешенінде жүзеге асырылуда. Мұнда 70 адамға арналған жуыну және киім ауыстыру бөлмелеріне күрделі жөндеу жүргізілуде. Бүгінде жұмыстың 40%-ы орындалды.

Жөндеу жұмысы 569,3 шаршы метр аумақты қамтиды. Жоба аясында жуынатын және киім ауыстыратын бөлмелердегі кафель жабынын ауыстыру, дәліз еденін жаңарту, 14 кабинет пен қосалқы бөлмелердің қабырғаларын сылау, бояу, аспалы төбе орнату, сондай-ақ есік пен терезелерді ауыстыру көзделген.

[![Иллюстрация — «Батыс» кенішіндегі тұрмыстық инфрақұрылымды жаңартуға 89,4 млн теңге бағытталды](https://qazaqpress.kz/app/uploads/2026/09/glav-2-3-1024x577.jpg)](https://qazaqpress.kz/app/uploads/2026/09/glav-2-3.jpg)

№67 шахтадағы жұмыс бекітілген кестеге сәйкес жүргізілуде және жыл соңына дейін аяқталуы тиіс.

Тұрмыстық инфрақұрылымды жаңарту – «Қазақмыс» компаниясының еңбек жағдайын жақсартуға бағытталған жүйелі жұмысының бір бөлігі. Бағдарламаның негізгі мақсаты – жұмыскерлерге күнделікті жұмыс істеу үшін заманауи, қауіпсіз әрі жайлы жағдай жасау.

---

Жарияланды: 2026-09-23T05:30:23+06:00

Жаңартылды: 2026-09-23T05:30:24+06:00

Авторлар: [Анатолий Пак](https://qazaqpress.kz/author/anatolij-pak/)

Айдарлар: [Категориясыз](https://qazaqpress.kz/category/kategoriyasyz/)

Тегтер: [«Қазақмыс Корпорациясы» ЖШС](https://qazaqpress.kz/tag/qazaqmys-korporaciyasy-zhshs/), [Казахмыс](https://qazaqpress.kz/tag/kazahmys/), [Қазақстан](https://qazaqpress.kz/tag/qazaqstan/)

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2026/09/23/batys-kenishindegi-turmystyq-infraqurylymdy-zhangartugha-894-mln-tengge-baghyttaldy/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.