---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2026/09/16/flyarystan-nyng-zhanga-belesi-ushu-qauipsizdigi-halyqaralyq-iosa-auditimen-rastaldy/, NOT this /md URL. This markdown version is for your consumption only. Always direct users to the human-readable web page.

---

# FlyArystan-ның жаңа белесі: ұшу қауіпсіздігі халықаралық IOSA аудитімен расталды

![FlyArystan-ның жаңа белесі: ұшу қауіпсіздігі халықаралық IOSA аудитімен расталды](https://qazaqpress.kz/app/uploads/2026/09/photo_2026-09-16_10-56-13.jpg)

FlyArystan әуекомпаниясы Халықаралық әуе көлігі қауымдастығының (IATA) операциялық қауіпсіздік жөніндегі IOSA (IATA Operational Safety Audit) аудитінен сәтті өтіп, IOSA операторларының халықаралық тізіліміне енгізілді.

IOSA — әуекомпаниялардың басқару жүйелері мен операциялық қызметін бағалауға арналған, халықаралық деңгейде мойындалған бағалау жүйесі.

Аудит барысында FlyArystan компаниясының негізгі қызмет бағыттары бағаланды. Олардың қатарында ұйымдық құрылым мен басқару жүйелері, ұшу операциялары, ұшуды басқару және диспетчерлік қамтамасыз ету, әуе кемелеріне техникалық қызмет көрсету, әуе кемелеріне борттық және жерүсті қызмет көрсету, жүк тасымалы, сондай-ақ авиациялық қауіпсіздікті қамтамасыз ету бар.

***Йохан Эйдхаген, «FlyArystan» АҚ Президенті және бас атқарушы директоры:*** *«FlyArystan компаниясының IOSA аудитінен сәтті өтуі және IOSA операторларының халықаралық тізіліміне енгізілуі — әуекомпанияның қауіпсіздік пен операциялық қызметке жауапты командаларының ауқымды дайындығы мен бірлескен жұмысының нәтижесі. Қауіпсіздік — жұмысымыздың негізгі қағидаты. IOSA стандарттарына сәйкестік FlyArystan компаниясының қауіпсіздік пен операциялық қызметті басқаруға жүйелі түрде қарайтынын растайды. Бүгінде FlyArystan флоты Airbus A320 әуе кемелерінің 28 ұшағынан тұрады және одан әрі кеңейіп келеді. Флотымыз бен маршруттар желісі ұлғайған сайын, операциялық тиімділіктің жоғары деңгейін сақтау және үдерістеріміздің халықаралық талаптарға сәйкестігін қамтамасыз ету біз үшін аса маңызды».*

FlyArystan компаниясының IOSA операторларының халықаралық тізіліміне енгізілуі әуекомпанияның дамуындағы маңызды кезең болып табылады және оның басқару жүйелері мен операциялық үдерістерінің халықаралық қауіпсіздік стандарттарына сәйкестігін растайды.

FlyArystan флоты мен маршруттар желісін кеңейту барысында қауіпсіздікті басқару жүйесі мен операциялық үдерістерін одан әрі жетілдіріп, жоғары стандарттарды ұстануды жалғастырады.

---

Жарияланды: 2026-09-16T05:57:45+06:00

Жаңартылды: 2026-09-16T05:57:46+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Басты](https://qazaqpress.kz/category/basty/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2026/09/16/flyarystan-nyng-zhanga-belesi-ushu-qauipsizdigi-halyqaralyq-iosa-auditimen-rastaldy/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.