Үргенішке билеттер 37 000 теңгеден: FlyArystan тікелей рейстерге науқан жариялады

FlyArystan әуекомпаниясы Алматы – Үргеніш – Алматы бағыты бойынша тікелей рейстерге арналған науқанның басталғанын хабарлайды. Арнайы ұсыныс аясында жолаушылар төрт күн ішінде әуебилеттерді тиімді тарифтермен сатып ала алады.

Билеттерді сату кезеңі 2026 жылғы 5-8 тамыз аралығында өтеді. Науқандық билеттермен 2026 жылғы 3 қыркүйек пен 15 қараша аралығында саяхаттауға болады.

Науқан аясында келесі тарифтер:

Алматы – Үргеніш – бір бағыттағы билет 38 000 теңгеден бастап;

Үргеніш – Алматы – бір бағыттағы билет 37 000 теңгеден бастап қолжетімді.

Арнайы бағамен ұсынылатын билеттерді әуекомпанияның ресми www.flyarystan.com сайтынан, FlyArystan мобильді қосымшасынан, сондай-ақ туристік агенттіктер арқылы сатып алуға болады. Көрсетілген баға базалық тариф бойынша есептелген және оған салмағы 7 кг-ға дейінгі және өлшемі 56 × 23 × 36 см болатын бір дана қол жүгін алып жүру кіреді.

Еске салайық, Алматы – Үргеніш бағыты бойынша тұрақты тікелей рейстер аптасына екі рет – бейсенбі және жексенбі күндері орындалады. Жаңа бағыт Үргеніш әуежайынан небәрі 30 шақырым жерде орналасқан, ЮНЕСКО-ның Дүниежүзілік мұралар тізіміне енген көне Хиуа қаласына, сондай-ақ Хорезм облысының басқа да туристік көрікті жерлеріне ыңғайлы қатынауға мүмкіндік береді.