Құжаттарды партия төрағасының орынбасары – Орталық аппараттың басшысы Жанат Ысқақов ұсынды. Құжаттарды Қазақстан Республикасы Орталық сайлау комиссиясы аппаратының басшысы Әлия Ғалымова бастаған комиссия қабылдады. Құжаттардың толықтығы тексерілгеннен кейін ол Respublica партиясы өкілдерін партиялық тізімнің ресми ұсынылуымен құттықтады.
«Бүгін біз үшін сайлау науқанындағы маңызды кезең басталды. Сайлау науқанының барлық кезеңінде мемлекеттік органдармен және өзге де мүдделі құрылымдармен сындарлы ынтымақтастық орнатып, Құрылтай сайлауының заң талаптарына сәйкес әрі ашық өтуіне өз үлесімізді қосуға дайынбыз», – деді партия төрағасының орынбасары – Орталық аппараттың басшысы Жанат Ысқақов.
Партиялық тізімге 76 кандидат енгізілді. Кандидаттардың орташа жасы – 41 жас. Ең жас кандидат – 27 жаста, ал жасы ең үлкен кандидат – 55 жаста.
Тізімнің негізгі бөлігін кәсіпкерлер құрайды. Сонымен қатар оған мемлекеттік және квазимемлекеттік сектордың, білім беру саласының, агроөнеркәсіп кешенінің, мәдениет, спорт, бұқаралық ақпарат құралдары және үкіметтік емес ұйымдардың өкілдері енді.
Сіз жаңалықтар туралы не ойлайсыз