Қазақстанның Халық Конституциясының күшіне ену күніне орай Жаңа адамдар «Тарихи із» акциясын өткізіп, ежелгі Отырар қалашығының тарихи бағытымен жүріп өтті. Қозғалыс белсенділері балалармен бірге Ұлы даланың ең маңызды тарихи орталықтарының біріне барып, тарихи-мәдени мұраны сақтау Жаңа Конституцияның негізгі қағидаттарының бірі екеніне назар аударды.
Жаңа адамдар ұйымдастырған экскурсия барысында қатысушылар көне қаланың тарихымен, оның ғылымның, мәдениеттің, сауданың және мемлекеттіліктің дамуына қосқан зор үлесімен танысты. Қазақстан Республикасының Президенті Қасым-Жомарт Тоқаев атап өткендей: «Қашанда жаңашылдыққа ұмтылатын жасампаз ел болу үшін біз ең алдымен мызғымас құндылықтарымызға, бай тарихымыз бен мәдени мұрамызға арқа сүйеуіміз қажет». Тарихпен танысу жас ұрпаққа өз тамыры туралы білімді жеткізуге, ортақ мұраны сақтауға және елге деген құрметті қалыптастыруға мүмкіндік береді. Ал бұл құрмет мемлекет дамуының берік негізіне айналады.
Отырар – Ұлы даланың ірі тарихи орталықтарының бірі, Қазақстанның бай мәдени мұрасының символы. Ғасырлар бойы мұнда сауда жолдары тоғысып, білім, ғылым және қолөнер дамыды. Алтын Орданың басты мұрасы – оның мызғымас құндылықтары. Заң мен тәртіпке негізделген ортақ қағидалар аясында олар алып мемлекетте түрлі діндердің, тілдердің, мәдениеттер мен дәстүрлердің өкілдерін үйлесімді біріктірді. Ата-бабаларымыздың даңқты жолы әрдайым біз үшін үлгі әрі стратегиялық бағдар болып қала береді. Бүгінде осы мұраны сақтау өткенді құрметтеу ғана емес, елдің болашағына қосылған маңызды үлес болып саналады.
Іс-шара соңында Жаңа адамдар археологиялық «Отырар» музей-қорығының басшылығымен бірлесіп, ЮНЕСКО-ның Бас директорына Отырар қалашығын ЮНЕСКО-ның Дүниежүзілік мұралар тізіміне енгізу мәселесін қарастыру жөнінде өтінішке қол қойып, жолдады. Тарихи-мәдени мұраны сақтау тарихты танудан ғана емес, оны қорғауға бағытталған нақты іс-әрекеттерден басталады.
Қазақстанның Халық Конституциясы күшіне енген күннен бастап тарихи-мәдени мұраны сақтау қоғамдық құндылықпен қатар, ел азаматтарының ортақ жауапкершілігіне айналады. Жаңа адамдар үшін бұл қағидат өткенге құрмет көрсетумен ғана шектелмей, оны сақтауға бағытталған нақты қадамдарды білдіреді. Тарихи жадымызды сақтау, мәдени мұраны қолдау және оны келесі ұрпаққа жеткізу – өз тарихына, құндылықтарына және қоғамның жасампаз әлеуетіне сүйенетін Әділетті Қазақстанды құрудың маңызды бөлігі.
Сіз жаңалықтар туралы не ойлайсыз