«Alatau City Garant» сақтандыру компаниясы» АҚ AM Best халықаралық рейтингтік агенттігінің B(Fair) деңгейіндегі қаржылық тұрақтылық рейтингін және эмитенттің «bb+»(Fair) деңгейіндегі ұзақ мерзімді кредиттік рейтингін бергені туралы хабарлайды. Рейтингтер бойынша болжам «Тұрақты».
AM Best бағалауы бойынша Компанияның қаржылық жағдайы баланстың өте жоғары тұрақтылығымен, тиісті операциялық нәтижелерімен және деңгейі шектеулі деп бағаланатын тәуекелдерді басқару жүйесімен сипатталады.
Жарияланған рейтингтік шығарылым рейтингтің негізгі факторы — Best’s Capital Adequacy Ratio (BCAR) әдіснамасы бойынша ең жоғары санатқа сәйкес келетін тәуекел-түзетілген капиталдандырудың жоғары деңгейі болып табылатынын атап өтті. AM Best мәліметтері бойынша, Компанияның капиталы сақтандыру портфелінің ықтимал құбылмалылығын және ықтимал апатты залалдармен байланысты тәуекелдерді өтеу үшін жеткілікті қауіпсіздік маржасын қамтамасыз етеді.
Сондай-ақ, агенттік консервативті инвестициялық саясат пен Компанияның жақсы өтімділік деңгейіне оң баға берді. Сонымен қатар, рейтингтік есепте Компанияның негізгі қызметін жүзеге асыратын және өз активтерінің көп бөлігін орналастыратын Қазақстанның макроэкономикалық және қаржылық тәуекелдерінің әсері атап өтілді.
AM Best сонымен қатар, Компанияның қаржылық нәтижелерінің оң динамикасын атап өтті. 2025 жылдың қорытындысы бойынша таза пайда 2,3 миллиард теңгені құрады, ал меншікті капиталдың рентабельділігі (ROE) 2024 жылы тиісінше 0,1 миллиард теңгемен және 0,3%-бен салыстырғанда 5.6%-ға жетті.
2025 жылдың қорытындысы бойынша сақтандыру кірісі 37,6 миллиард теңгені (шамамен 75,1 миллион АҚШ долларын) құрады. Агенттік сақтандыру портфелін әртараптандыру бойынша Компания қабылдап жатқан шараларды атап өтеді және бизнестің одан әрі өсуін, оның ішінде кіріс қайта сақтандыруды дамыту есебінен күтеді.
Рейтингтің берілуіне түсініктеме бере отырып, «Alatau City Garant» сақтандыру компаниясы» АҚ Басқарма төрайымы Гульмира Убегалиева атап өтті:
«AM Best халықаралық рейтингін алу Компанияның дамуындағы маңызды кезең және қаржылық жағдайдың тұрақтылығын, капиталды басқару сапасын және тұрақты өсу стратегиясын дәйекті іске асыруды растау болып табылады. Біз бұл рейтингті клиенттер, серіктестер және қайта сақтандырушылар тарапынан қазақстандық және халықаралық нарықтарда сенімді нығайтудың қосымша құралы ретінде қарастырамыз».
AM Best — сақтандыру саласына мамандандырылған жетекші халықаралық рейтингтік агенттіктердің бірі. Агенттік өз қызметін әлемнің 100-ден астам елінде жүзеге асырады және сақтандыру ұйымдарының қаржылық тұрақтылығын тәуелсіз бағалаудың әлемдік мойындалған көзі болып табылады.
Сіз жаңалықтар туралы не ойлайсыз