Қазақстандық лоукостер FlyArystan Алматы – Үргеніш – Алматы халықаралық бағытының ашылғанын хабарлайды.
Жаңа маршрут әуекомпанияның Өзбекстандағы бағыттар желісін кеңейтіп, Орталық Азия қалалары арасындағы әуе қатынасын жүйелі түрде дамыту жұмыстарының бір бөлігіне айналады. Бұл жолаушыларға өңірдің маңызды тарихи-мәдени аймақтарының біріне ыңғайлы қатынауға мүмкіндік береді.
Рейстер 3 қыркүйектен бастап аптасына екі рет – бейсенбі және жексенбі күндері – жолаушыларға ыңғайлы кестемен орындалады.
Бір бағыттағы билет бағасы 41 000 теңгеден басталады.
Йохан Эйдхаген, «FlyArystan» АҚ Президенті және бас атқарушы директоры:
«Жаңа халықаралық бағыттарды ашу барысында біз көлік және туристік әлеуеті жоғары қалаларға, соның ішінде даму мүмкіндігі жоғары өңірлік орталықтарға ерекше назар аударамыз. Үргеніш — Өзбекстанның солтүстік-батысындағы маңызды көлік торабы, ол Хиуа мен Нүкіс сияқты қалаларға ыңғайлы қатынауға мүмкіндік береді. Рейстің іске қосылуы Орталық Азиядағы өңірлік бағыттар арасындағы әуе қатынасын кезең-кезеңімен дамытуға және ірі қалалар мен маңызды өңірлік орталықтар арасындағы жолаушылар ағынын арттыруға қосымша мүмкіндік жасауға деген ұмтылысымызды айқындайды».
Жаңа маршрут әуекомпанияның бас компаниясы – Air Astana-мен жасалған кодшерингтік келісім аясында орындалады. Соның нәтижесінде жолаушылар Алматы арқылы Қытай мен Оңтүстік Кореядағы Air Astana бағыттарына ыңғайлы түйіспелі рейстерді пайдалана алады.
Үргеніш – Хорезм облысының әкімшілік орталығы әрі өңірдегі ең танымал тарихи қалалардың бірі саналатын, ЮНЕСКО-ның Бүкіләлемдік мұралар тізіміне енген көне Хиуа қаласына апаратын негізгі қақпа. Үргеніштен 160 шақырым жерде Қарақалпақстан Республикасының астанасы Нүкіс орналасқан. Бұл өңірде едәуір қазақ диаспорасы тұратындықтан, жаңа бағыт Қазақстан мен Өзбекстан арасындағы отбасылық, туристік және мәдени сапарлар үшін ерекше өзекті болмақ.
Үргеніш бағытымен қатар, FlyArystan Алматы – Самарқан және Астана – Ташкент бағыттары бойынша да рейстер орындайды. Бұл Орталық Азия елдері арасындағы әуе қатынасын дамытуға және өңірлік көлік байланысын одан әрі нығайтуға ықпал етеді.
Билеттер әуекомпанияның ресми сайтында, FlyArystan мобильді қосымшасында және басқа да сату арналары арқылы қолжетімді. FlyArystan лоукостер моделі бойынша қызмет атқарады және жолаушыларға өз қажеттіліктеріне қарай қосымша қызметтерді таңдауға мүмкіндік береді. Базалық тарифке салмағы 7 кг-ға дейінгі, өлшемі 56×23×36 см-ден аспайтын бір дана қол жүгі кіреді.
Сіз жаңалықтар туралы не ойлайсыз