2026 жылғы 26 мамырда Қазақстан Республикасы Қытай қор нарығында юаньмен номинацияланған панда-облигациялардың дебюттік шығарылымын сәтті жүзеге асырды. Орналастыру көлемі 3.4 млрд юаньды құрады (500 млн. АҚШ долл.) айналыс мерзімі 3 жыл және жылдық купондық мөлшерлемесі 1.9%.
Өтінімдер кітабын қалыптастыру барысында облигацияларға сұраныс ұсыныстан 2 есе асып түсті, бұл Қытай институционалдық инвесторларының экономиканың ағымдағы тұрақты өсуін және мемлекеттік қарыздың төмен деңгейін қамтитын елдің күшті макроэкономикалық көрсеткіштеріне деген жоғары сенімін көрсетеді.
Қазақстан облигацияларды Қытай қор нарығына BBB рейтингі бар елдер арасында ең төменгі және AA рейтингі бар елдер деңгейіндегі ең төменгі мөлшерлеме бойынша орналастыру арқылы рекорд орнатты.
Рекордтық төмен купондық мөлшерлеме іске асырылып жатқан фискалдық және салықтық реформалардың, сондай-ақ Мемлекет басшысының бастамасымен жүргізіліп жатқан саяси өзгерістердің нәтижесі болып табылады.
Панда-облигацияларды орналастыру квазимемлекеттік және корпоративтік эмитенттердің болашақ шығарылымдары үшін бенчмарк (бағдар) белгілеуге мүмкіндік берді.
Бұл мәміле Қазақстан мен Қытай арасындағы жан-жақты стратегиялық әріптестікті дамытудағы кезекті маңызды кезең болды және екіжақты қаржылық және инвестициялық ынтымақтастықтың тереңдеуін көрсетеді.
Панда-облигациялар Пекин қаржы активтері биржасында және «Астана» халықаралық қаржы орталығының биржасында листингтен өтеді, бұл Қазақстан мен Қытай арасындағы қаржылық өзара байланысты одан әрі нығайтуға ықпал ететін болады.
Қаржы министрлігі борыштық портфельді әртараптандыруға, Борышқа қызмет көрсету құнын төмендетуге және халықаралық инвесторлардың Қазақстанның егеменді кредиттік бейініне сенімін қолдауға бағытталған мемлекеттік қарыз алудың салмақты саясатын іске асыруды жалғастырады
Бұл орналастыру сыртқы мемлекеттік қарыз алудың бекітілген бағдарламасы шеңберінде жүзеге асырылды. Бұл ретте мемлекеттік қарыз әлі де 32% лимит кезінде ЖІӨ-нің 20% қауіпсіз және басқарылатын деңгейде сақталады, бұл әлем елдері арасындағы ең төменгі көрсеткіштердің бірі болып табылады.
Сіз жаңалықтар туралы не ойлайсыз