STOP! ОЙЛАН! ЖҮР!

2026 жылдың 18 мамыр күні Т. Айбергенов атындағы №16 жалпы орта білім беретін мектебінде жол жүру ережелері бойынша ауқымды түсіндіру жұмыстары мен қызықты іс-шаралар өтті.

Бұл күннің ерекше оқиғасы — іс-шараға жол-патрульдік полиция қызметкерлерінің қатысуы болды. Олар балаларға көшедегі тәртіптің қаншалықты маңызды екенін тереңірек түсінуге көмектесті!

Іс-шараның мақсаты:

Білім алушылардың жол қозғалысы қауіпсіздігі туралы білімдерін арттыру, жол-көлік оқиғаларының алдын алу, сондай-ақ көшеде және қоғамдық орындарда қауіпсіз мінез-құлық мәдениетін қалыптастыру.

Акция аясында бастауыш сынып оқушылары арасында мазмұнды әрі шығармашылық іс-шаралар жоғары деңгейде ұйымдастырылды:

• 4-сынып оқушылары — жол қауіпсіздігіне арналған жарқын әрі мағыналы флешмоб өткізіп, көпшілікті тәртіпке шақырды!
• 1-сынып оқушылары — қиялдарына қанат бітіріп, «Бағдаршам» тақырыбында өз қолдарымен әдемі жабыстыру (аппликация) жұмыстарын орындады.
• 2-сынып оқушылары — «Қауіпсіз жол» тақырыбындағы сурет байқауына белсене қатысып, өздерінің шығармашылық қабілеттерін көрсетті.
• 3-сынып оқушылары — жол қауіпсіздігі ережелерін насихаттайтын креативті әрі ғибратты бейнероликтер дайындады.
• 7 «А» сыныбының «Жас сақшы» тобы — 1 «А» сынып оқушыларына ережелерді ойын түрінде оңай үйрететін «Қауіпсіз жол» танымдық сабағын өткізді.

Мұндай кешенді профилактикалық жұмыстар балалардың жол қозғалысы ережелері туралы білімдерін нығайтып қана қоймай, жауапкершілік пен сақтық мәдениетін қалыптастыруға септігін тигізеді. Жаяу жүргінші болсын, велосипед немесе самокат қолданушысы болсын — әр баланың қауіпсіздік дағдыларын арттыру басты назарда!