Өзгермелі жағдайларда қалай даму керек, қалай жаңа нарыққа шығып, заманауи технологияларды енгізу керек — осы және өзге де мәселелерді фермерлер Астанада өткен сегізінші KMF Агрофорумында талқылады.
Іс-шараға 100-ден астам агробизнес иелері мен салалық сарапшылар қатысты. Шараны KMF Банк пен “KMF-Демеу” корпоративтік қоры ұйымдастырды. Айта кетерлігі, бұл 8-форум биыл елордада алғаш рет өткізіліп отыр.
Агробизнесті масштабтаудың практикалық құралдарына – операциялық тиімділікті арттырудан бастап, жаңа нарыққа шығуға дейін басты назар аударылды. Талқылау барысында сарапшылар бизнестің дамуына кедергі келтіретін негізгі қателіктерді анықтап, өсу үшін бірқатар шешімдер ұсынды. Сүт өндірісіне маманданған фермер Данияр Әбітаев сүт кешенін жаңғырту тәжірибесін бөлісіп, бизнестегі перспективалы бағыттар туралы айтып берді. Іскерлік бағдарламадан басқа, форум аясында ауыл шаруашылығы өнімдерін жеткізушілердің көрмесі ұйымдастырылды.
«Қазақстанның агроөнеркәсіп кешені экономиканың стратегиялық маңызы бар драйверлерінің бірі болып қала береді және әрі қарай өсу үшін айтарлықтай әлеуетке ие. KMF Банк аграрлық сектормен ұзақ жылдар бойы жұмыс істеп келеді және біз бұл бағыттың өзіндік ерекшелігін түсінеміз. Бүгінде банк несие портфелінің 40%-дан астамы ауыл шаруашылығына тиесілі, клиенттеріміздің басым бөлігі мал шаруашылығы саласында жұмыс істейді. Фермерлермен күнделікті жұмыс бізге саланың негізгі түйткілдерін — табыстың маусымдылығы мен айналым капиталына деген қажеттіліктен бастап, әртүрлі өңірлердегі өзекті аграрлық тәжірибелер мен технологияларға қолжетімділіктің айырмашылығына дейін көруге мүмкіндік береді. Нақ сол себепті KMF Банк аграршыларға арналған сараптамалық ортаны дамытуға инвестиция салады», — деді KMF Банк Басқарма төрағасы Шалқар Жүсіпов.
KMF Банкте осыған дейін мұндай форумдар жергілікті фермерлердің қатысуына қолжетімді болуы үшін негізінен өңірлерде және ауылдық жерлерде өткізілгенін атап өтті. Осы жолы агрофорумның алаңы Астана – іскерлік белсенділік орталығы болды, мұнда еліміздің түрлі өңірлерінен келген агробизнес өкілдері, сарапшылар мен кәсіпкерлер ауыл шаруашылығын дамытудың өзекті мәселелерін талқылап, тәжірибе алмасып, жаңа іскерлік байланыстар құра алады.
Агрофорумдармен қатар, банк KMF-Демеу қорымен бірлесіп кәсіпкерлерге, соның ішінде аграршыларға арналған білім беру жобаларын жүзеге асыруда.
«Біз үшін кәсіпкерлер өсіп, дами алатын орта құру маңызды. Агрофорумдар – бұл пікір алмасу алаңы және фермерлер үшін практикалық білім алудың, тәжірибе алмасудың және жаңа өсу нүктелерін көрудің тамаша мүмкіндігі. Біз білімге және қолдауға қол жеткізу, әсіресе, ауылдық жерлерде бизнестің орнықтылығына тікелей әсер ететінін көріп жүрміз. Сондықтан қор бүкіл ел бойынша кәсіпкерлердің өз ісін дамытуға және кеңейтуге бірдей мүмкіндіктері болуы үшін білім беру және әлеуметтік бастамаларды дамытады», — деп атап өтті KMF-Демеу корпоративтік қорының операциялық директоры Әсел Шегебаева.
KMF Банктің филиалдар желісі 4 мыңға жуық шалғай елдімекендерді қамтитынын ескере отырып, банк ауыл кәсіпкерлерінің тиімді агробизнесті дамытуға атсалысатын оқуға, сараптамалық қолдауға және заманауи практикалық білімге қолжетімділігін белсенді түрде кеңейтеді. Қазіргі таңда бүкіл ел бойынша 12 мыңнан аса кәсіпкер оқумен қамтылған. Сондай-ақ demeu4business.kz білім беру порталы іске қосылды, мұнда негізгі бағыттар – қаржы, маркетинг, бизнесті басқару және дамыту бойынша 100-ден астам тегін сабақтар мен материалдар, оның ішінде фермерлерге арналған арнайы бағдарламалар ұсынылған.
Банк операцияларын жүргізуге 25.11.2025 жылы берілген № 1.1.121 ҚНРДА лицензиясы
Сіз жаңалықтар туралы не ойлайсыз