2025 ЖЫЛДЫҢ ЕҢ ҮЗДІК HR-ЖОБАЛАРЫ: HR-БРЕНД ОРТАЛЫҚ АЗИЯ ПРЕМИЯСЫНЫҢ ҚОРЫТЫНДЫСЫ
Қарқынды өзгерістер мен цифрлық трансформация кезеңінде табысты компаниялардың басты жетістік факторы – адамдар, инновациялар және заманауи технологиялар. Бүгінде HR-үдерістер деректерге негізделіп, икемді тәсілдер мен жасанды интеллект құралдарын кеңінен пайдалануда – бұл үрдіс кадрларды іріктеуден бастап, таланттарды дамытуға дейінгі барлық бағыттарды қамтиды. «HR-бренд Орталық Азия Премиясы» аймақтағы компаниялардың кадрлық саясатқа жаңаша көзқараспен қарап, заманауи шешімдерді іске асырып, жаңа шындық жағдайында мықты HR-бренд қалыптастырып жатқанын айқын көрсетті.
2026 жылғы 23 сәуірде Алматы қаласында HeadHunter компаниясы ұйымдастырған «HR-бренд Орталық Азия Премиясы» жеңімпаздарын марапаттау рәсімі өтті. Биыл Орталық Азияның үздік HR-практикалары атағы үшін 46 қазақстандық, өзбекстандық және қырғызстандық компанияларынан 69 жоба бақ сынады. Бұл көрсеткіштер HR-бастамаларға деген қызығушылықтың артып келе жатқанын және бұл саладағы жетілуге деген ұмтылысты айғақтайды.
HR-бренд сыйлығында жеңіске жету — тек әріптестердің мойындауы ғана емес, сонымен қатар үздік HR-шешімдерді кәсіби қауымдастықпен бөлісу мүмкіндігі.
«HR-бренд Орталық Азия Премиясы» бүгін HR саласында болып жатқан негізгі өзгерістерді көрсетеді. AI-технологиялар мен автоматтандыру қарқынды дамыған кезеңде адами капиталмен саналы түрде жұмыс істеу HR саласының басты міндеттерінің біріне айналып отыр. 2025 жылдың қорытындысы бойынша біз Қазақстан, Өзбекстан және Қырғызстаннан келген мықты, жетілген және технологиялық HR-жобаларды көрдік. Компаниялар процестердің тиімділігін арттыру, шешімдердің дәлдігін күшейту және бизнестің тұрақтылығын қамтамасыз ету үшін жасанды интеллект пен автоматтандыруды барған сайын белсенді қолдануда. Сонымен қатар, олар адамдарға бағытталған фокусты сақтап келеді. Номинанттардың жобалары технологиялардың HR рөлін қалай күшейтетінін көрсетеді: олар стратегиялық міндеттерге — таланттарды дамытуға, корпоративтік мәдениетті нығайтуға және қызметкерлердің қатысуын арттыруға ресурстарды босатады. Адами капитал негізгі құндылық болып қала береді, ал технологиялар оны дамыту құралына айналады. Бүгінде HR-бренд — компанияның бәсекеге қабілеттілігі мен ұзақ мерзімді өсуінің маңызды факторы. Адамдарға және инновацияларға инвестиция салатын компаниялар еңбек нарығының болашағын бүгіннен бастап қалыптастырып жатыр. Орталық Азиядағы HR саласының дамуына қосқан үлестері және Премияға қатысқаны үшін барлық қатысушыларыларға алғыс білдіреміз. Сіздердің жобаларыңыз жаңа стандарттарды қалыптастырып, HR болашағын айқындайды!»
Оксана Бричевская, HeadHunter Орталық Азия бас директоры
Бүгінде HR-брендинг жай ғана тиімді құрал емес, стратегиялық қажеттілікке айналды. Компаниялар оны адамдарға қатысты барлық негізгі міндеттерді шешу үшін қолданады: еңбек нарығынан ең лайықты кандидаттарды тарту, қызметкерлердің қатысуын арттыру және үздік мамандарды ұстап қалу.
«Он үш жыл ішінде «HR-бренд Орталық Азия» сыйлығы халықаралық деңгейдегі маңызды оқиғаға айналып, HR-брендингтің дамуын және оның өңірдің бизнес ортасына әсерін көрсететін алаң болды. Сыйлықтың мақсаты өзгермейді — кәсіби қауымдастықты дамыту, үздік тәжірибелерді кеңінен тарату және нарықты жаңа жетістіктерге ынталандыру. Жыл сайын біз қатысушылар санының ғана емес, олардың жобалары деңгейінің де артқанын байқаймыз. Заманауи HR-бастамалар жоғары тиімділік, креативтілік және бейімделгіштік танытып, компанияларға жылдам өзгерістер жағдайында бәсекеге қабілетті болып қалуға көмектеседі. HR болашағы — технологиялық инновациялар мен адам әлеуетін дамытудың үйлесімінде. Барлық қатысушылардың арқасында біз саланың дамуына қосылған үлесті көріп, Орталық Азиядағы HR саласын одан әрі күшейтіп, дамытуды мақсат етеміз.»
Нина Осовицкая, HeadHunter Бренд-орталығының директоры
«HR-бренд Орталық Азия 2025 Премиясының» жеңімпаздары:
«Әлем» номинациясы
1-дәрежелі жеңімпаз: «Қазақстан Халық Банкі» АҚ
Жоба: «Дағдыларға негізделген мәдениет және ЖИ көмегімен құзыреттерді дамыту»
2-дәрежелі жеңімпаз: BI GROUP
Жоба: «Buildex Training Center»
3-дәрежелі жеңімпаз: EFES Kazakhstan
Жоба: «Жас таланттарды дамыту экожүйесі»
«Әлеуметтік жоба» номинациясы
1-дәрежелі жеңімпаз: «Click» АҚ
Жоба: «Адамға бағытталған цифрлық болашақ: Click компаниясының ESG жобалары»
«Өңір» номинациясы
1-дәрежелі жеңімпаз: «ANOR BANK» АҚ
Жоба: «Цифрлық трансформация — әрқайсымыздан басталатын жол»
2-дәрежелі жеңімпаз: «KMF Банк» АҚ
Жоба: «AI-тәлімгер AiДана: қызметкерлерді бейімдеудің цифрлық шешімі»
3-дәрежелі жеңімпаз: «Click» АҚ
Жоба: «Click Jamoa: Made Inside. Made in Uzbekistan»
«Ел» номинациясы
1-дәрежелі жеңімпаз: «TBC BANK» АҚ
Жоба: «TBC Digital Academy»
2-дәрежелі жеңімпаз: «Қазақстан Халық Банкі» АҚ
Жоба: «Күйзелуді алдын ала болжау моделі»
3-дәрежелі жеңімпаз: Safia кондитерлік үйі
Жоба: «Коммуникация қанаттары. Ашық бейімделу жолы»
HeadHunter арнайы номинациясы
Жеңімпаз: PepsiCo Central Asia
Жоба: «Орталық Азиядағы Lay’s алғашқы өндірістік алаңын іске қосу»
HeadHunter барлық номинанттар мен жеңімпаздарды құттықтайды және өңірдегі HR саласының дамуына қосқан үлесі үшін алғыс білдіреді. Әрбір жоба кәсіби қауымдастық үшін бағдарға айналып, Орталық Азиядағы HR деңгейінің жоғары екенін дәлелдейді.
Іс-шара серіктесі:
Talent Rocks (https://talentrocks.ru/) — оқыту, онбординг, ішкі коммуникациялар және well being бағдарламаларына арналған digital-платформа. Брендтеу мүмкіндігі, 50-ден астам дайын компонент және оқыту бойынша статистика жинау бар. Edutech-тің барлық өзекті трендтері бір шешімде біріктірілген: микрооқыту, геймификация, ішкі әлеуметтік желі мен корпоративтік комьюнити, мобильді білім базалары.