2026 жылғы 11 сәуірде Астана қаласындағы AIFC EXPO алаңында жыл сайынғы ғылыми-көпшілік PRO.NRG Fest 2026: FLOW OF SCIENC фестивалі өтеді. Фестиваль Қазақстан Республикасының Ғылым күніне орай ұйымдастырылып, Қазақстан Республикасының Президенті Қасым-Жомарт Тоқаев жариялаған Білім және ғылыми зерттеулер жылы аясында өткізіледі. Іс-шараға 7000-нан астам оқушы, педагог, ата-ана, ғалым, бизнес және үкіметтік емес сектор өкілдерінің қатысуы күтілуде.
PRO.NRG FEST 2026 білім беру саласындағы ғылым, өнер және технологияларға арналып, өз тақырыбын білімнің үздіксіз ағыны ретіндегі су метафорасы арқылы ашады. FLOW OF SCIENCE тұжырымдамасы ғылымды бастаудан нәтижеге дейінгі қозғалыс ретінде қарастырады: бастаулар — зерттеу сұрақтары мен гипотезалар; ағындар — мектеп командалары, педагогтер және ғылыми пәндер; тереңдік — талдау мен эксперименттер; тоғысу — жаңалықтар мен практикалық шешімдер. Фестиваль зерттеушілік ойлау мен инженерлік тәсілдердің ғылыми таным мәдениетін қалай қалыптастыратынын және олардың білім беру ортасында қалай қолданылатынын көрсетеді.
Фестиваль бағдарламасы бірнеше мазмұндық бағыт бойынша құрылған. «Ғылым және су» атты орталық дәріс ағыны табиғи үдерістер, тұрақты жүйелер және судың адам өміріндегі рөлі туралы ғалымдар мен сарапшылардың ғылыми-көпшілік баяндамаларын біріктіреді. «Зерттеушілік ойлау» бағыты педагогтер мен білім беру саласының басқарушыларына арналған және STEAM тәсілдерін, жобалық оқытуды және тәлімгерлікті дамытуға бағытталған. Art & Science форматы жарық, дыбыс және визуалды инсталляциялар арқылы ғылыми үдерістердің көркем әрі аудиовизуалды ұғымды ұсынып, ғылымды мәдени әрі шығармашылық құбылыс ретінде танытады. «Болашақ технологиялар» бағыты сәулет, машина жасау, экология, су ресурстарын тұрақты дамыту және қолданбалы шешімдер салаларындағы оқушылар мен серіктестердің инженерлік-технологиялық жобаларын біріктіреді. «Жаңа буын білімі» көрме блогы мектептердің, колледждердің және жоғары оқу орындарының білім беру модельдерін таныстыру алаңына айналады.
2026 жылы фестиваль педагог пен оқушы зерттеу жобасының тең авторлары ретінде қатысатын бірлескен қатысу моделін енгізеді. Сонымен қатар фестиваль аясында геймификация элементтері жүзеге асырылады: қатысушылар ғылыми маршруттардан өтіп, өз жетістіктерін тіркеп, ұпай жинай алады. Осылайша олар білімнің «бастауынан» «тоғысуына» дейінгі жеке траекториясын қалыптастырады.
PRO.NRG Fest 2026 аясында сіз ғылымды тек сырттай бақылап қана қоймай, оның бір бөлігіне айналасыз: геймификацияланған миссиялардан өтіп, жетекші сарапшылармен пікір алмасып, ертең-ақ тәжірибеде қолдануға болатын идеяларды ашасыз. Бұл — шабыт алуға, пайдалы байланыстар орнатуға және болашақты бірге құрып жатқанымызды сезінуге мүмкіндік.
Қатысу барлық ниет білдірушілер үшін ашық. Алдын ала тіркелу мына сілтеме арқылы жүзеге
асырылады: https://pronrg.kz/reg2026
Іс-шараның Instagram парақшасы: https://www.instagram.com/pro.nrg.fest
Іс-шараның ресми сайты: https://pronrg.kz
Жарияланымдарға арналған афишаларға сілтеме:PRO NRG FOR PRESS
Анықтама үшін:
«Chevron» – әлемдегі жетекші интеграцияланған энергетикалық компаниялардың бірі. Біз сенімді, қолжетімді және таза энергияның прогресс үшін қажет екеніне сенеміз. «Chevron» мұнай мен табиғи газ өндірумен, мұнай өнімдері, мұнай-химия өнімдері мен қоспалар шығарумен айналысады және бизнес пен мұнай-газ саласын дамытуға арналған технологияларды әзірлейді. Біз мұнай-газ бизнесін дамытумен қатар, қызметіміздің көміртек қарқындылығын төмендетуге және төмен көміртекті бағыттарды, соның ішінде жаңартылатын отын өндірісін, көміртекті ұстау технологияларын, офсеттерді, сондай-ақ сутегі мен басқа да инновациялық технологияларды дамытуға ұмтыламыз. «Chevron» туралы толығырақ ақпаратты www.chevron.com сайтынан таба аласыз.
«Caravan of Knowledge» корпоративтік қоры – Қазақстанда STEAM-білімін танытатын, мұғалімдердің біліктілігін арттыратын және оқушыларды оқытатын білім беру ұйымы.
Сіз жаңалықтар туралы не ойлайсыз