Халықаралық әйелдер күні қарсаңында Visa мен Halyk әйелдер кәсіпкерлігін қолдауға және дамытуға бағытталған She’s Next жаһандық бастамасының мерейтойлық бесінші толқыны Қазақстанда жақында іске қосылатынын хабарлады.
2021 жылдан бастап бұл бастамаға Қазақстан мен Орталық Азиядан 40 000-нан астам әйел қатысты. Былтыр She’s Next жобасының төртінші толқынына қатысу үшін 16 000-нан астам кәсіпкер тіркелді, оның ішінде 2 000 әйел өз бизнес-жоспарларын сарапшылар комиссиясының бағалауына ұсынды. Нәтижесінде ең үздік жобасы бар 30 қатысушы финалға өтті.
Финалистер Алматы қаласында екі күндік She’s Next Camp бизнес-интенсивіне жиналды. Бірінші күннің бағдарламасы қазақстандық жетекші кәсіпкерлердің білім беру лекцияларын, топтық менторлық сессияларды және ойын-сауық бағдарламасын қамтыды. Екінші күні қатысушылар өз жобаларын Visa, Halyk, бизнес-қоғамдастық және креативті индустрия өкілдерінен құралған қазылар алқасының алдында қорғады. Жобаларды қорғау қорытындысы бойынша бизнесті дамытуға грант иеленген жеті жеңімпаз анықталып, марапатталды.
Бүгінгі таңда әйелдер кәсіпкерлігі экономикалық өсудің негізгі драйверлерінің бірі болып табылады. Әйелдер сауда, қызмет көрсету саласы, сұлулық индустриясы, қоғамдық тамақтану, білім беру жобаларын, сондай-ақ экологиялық және әлеуметтік бастамаларды белсенді дамытуда. Олар өңірлердің экономикасын нығайта отырып, тұрақты, технологиялық және қауымдастыққа бағытталған компанияларды жиі құруда. Ұлттық экономика министрлігінің мәліметі бойынша, 2025 жылғы желтоқсандағы жағдай бойынша Қазақстанда шағын және орта бизнестің 1 миллионнан астам әйел басшысы тіркелген, бұл ШОБ жалпы санының 48,1%-ын құрайды[1].
She’s Next бастамасы мыңдаған әйелге білім, менторлық қолдау және қаржыландыру алуға көмектесіп үлгерді. Мерейтойлық бесінші толқында Visa мен Halyk кәсіпкер әйелдерге арналған мүмкіндіктерді кеңейтіп, дәстүрлі «Бастаушы бизнес», «Қолданыстағы бизнес» және «IT-бизнес» санаттарына жаңа «Инклюзивті бизнес» санатын қосуда. Бұл түрлі саладағы кәсіпкер әйелдер үшін грант алуға жаңа жол ашады.
«Halyk үшін әйелдер кәсіпкерлігін қолдау – бұл бір реттік шара емес, экономиканы дамытудың жүйелі стратегиясы. Қазіргі таңда Қазақстандағы шағын және орта бизнес нысандарының жартысына жуығы әйелдердің басқаруында. Әрбір осындай жобаның артында жаңа жұмыс орындары, тұрақты өңірлік қоғамдастықтар мен әлеуметтік жауапкершілік тұр. She’s Next аясындағы Visa-мен серіктестік білім беруді, менторлықты және қаржыландыруды біріктіретін бірегей мүмкіндіктер экожүйесінің қалыптасуына жол ашады. Соңғы жылдары жүздеген кәсіпкер әйел жеңілдетілген несие мен гранттық қолдауға ие болды, бұл олардың жобаларын жаңа деңгейге көтеруге септігін тигізді. Мерейтойлық бесінші толқында біз бұдан да көп әйелдің өз идеяларын іске асырып, ел экономикасының дамуына үлес қосуы үшін бағдарламаны кеңейтіп, «Инклюзивті бизнес» санатын қосып отырмыз. Еліміздің ең ірі банкі ретінде біздің міндетіміз – тек қаржыландыру ғана емес, біз кәсіпкерлердің дарыны, кәсібилігі мен батыл бастамалары өсу үшін қажетті нақты ресурстарға қол жеткізе алатын жағдайды жасауды көздейміз. Біз кәсіпкер әйелдерге салынған инвестиция – Қазақстанның тұрақты болашағына салынған инвестиция деп сенеміз», – деп атап өтті Halyk басқарма төрайымы Үміт Шаяхметова.
«She’s Next жаһандық бастамасы 2019 жылдан бері бүкіл әлемдегі, соның ішінде Қазақстандағы кәсіпкер әйелдердің басын қосып келеді. Halyk-пен серіктестікте біз төртінші жыл қатарынан білім беру, практикалық дағдылар мен қаржылай қолдау көрсету арқылы қатысушылардың жобаларын өсіруге және дамытуға жағдай жасап жатырмыз. Өткен жылдар ішінде 14 жеңімпаз жалпы сомасы 46,5 млн теңгеге грант ұтып алды, бұл оларға өз бизнесін бастауға және ауқымын кеңейтуге мүмкіндік берді. Биыл біз әрбір кәсіпкер қатысудан нақты пайда алып, табысқа сенімді қадам басуы үшін жаңа санаттар мен форматтарды қамтитын мерейтойлық бесінші толқынды іске қосамыз», – деп атап өтті Қазақстан мен Орталық Азиядағы Visa вице-президенті әрі өңірлік менеджері Санжар Сулейманов.
Барлық кәсіпкер әйелдерді, сондай-ақ өз бизнесін ашуды армандайтын жандарды жаңалықтардан хабардар болу үшін және Қазақстандағы бастаманың мерейтойлық бесінші толқыны басталғанын бірінші болып білу үшін біздің ресми She’s Next Telegram-арнамызға, сондай-ақ Visa мен Halyk әлеуметтік желілеріне жазылуға шақырамыз.
Visa компаниясы туралы
Visa (NYSE: V) – цифрлық төлемдер индустриясының әлемдік көшбасшысы. Visa тұтынушылар, бизнес, қаржылық және үкіметтік мекемелер арасындағы төлем транзакцияларын 200-ден астам елдерде және аумақтарда өңдейді. Біздің миссиямыз – инновациялық, ыңғайлы, сенімді әрі қауіпсіз төлем желісі арқылы әлемді біріктіру, сол арқылы тұтынушылардың әл-ауқатын арттыруға және бизнес пен экономиканың өркендеуіне жәрдемдесу. Біз экономикада барлығына қолжетімділікті кеңейту бүкіл әлемдегі адамдардың әл-ауқатының өсуіне көмектесетініне, болашақта жаһандық ақша қозғалысы үшін негіз болатындығына сенімдіміз. Толық ақпарат https://www.visa.com.kz/ сайтында.
Halyk туралы
Halyk – жиынтық активтері 20 трлн теңгеден асатын Қазақстанның ең ірі банкі. Банктің үлесіне ҚР экономикасының нақты секторын несиелеудің 50%-дан астамы тиесілі. Halyk Bank-тің клиенттік базасы ең ірі базалардың бірі болып табылады, оларға цифрлық арналар және бүкіл ел бойынша 540-тан астам бөлімшесі бар филиалдар желісі арқылы қызмет көрсетіледі. Сонымен қатар, Halyk Bank өз қызметін Грузия мен Өзбекстанда жүзеге асырады. Halyk Bank шетелдік қатысуы жоқ коммерциялық банктер арасында ең жоғары кредиттік рейтингтерге ие (инвестициялық деңгейде: Moody’s – Baa1 / Fitch – BBB- / S&P – BBB-). Halyk Bank әйелдер кәсіпкерлігін белсенді түрде қолдайды: 2018 жылдан бастап Қазақстанның түрлі өңірлерінен 600-ден астам әйел 6–8%-бен 7 млрд теңгеден астам сомаға жеңілдетілген несие алды. Банк туралы толығырақ ақпаратты halykbank.kz сайтынан алуға болады. Halyk өзінің қайырымдылық қызметімен де кеңінен танымал. Соңғы 5 жылда банк пен Тимур Құлыбаевтың «Halyk» қайырымдылық қоры бүкіл ел бойынша әлеуметтік жобаларға шамамен 62 млрд теңге бағыттады.
[1] https://www.gov.kz/memleket/entities/economy/press/news/details/1125129?lang=kk
Сіз жаңалықтар туралы не ойлайсыз