Қазақстандық лоукостер FlyArystan 2026 жылдың көктем және күз маусымдарына арналған кесте аясында Алматы – Самарқан – Алматы халықаралық бағыты бойынша әуе билеттерінің сатылымы ашылғанын хабарлайды.
Рейстер аптасына екі рет – сейсенбі және сенбі күндері орындалады. Көктемгі маусымда ұшулар 21 наурыз бен 30 мамыр аралығында, ал күзгі маусымда 1 қыркүйектен 24 қазанға дейін жүзеге асырылады.
Бір бағыттағы әуе билеттерінің құны 34 000 теңгеден басталады.
Ричард Леджер, “FlyArystan” АҚ Президенті:
«2026 жылы FlyArystan халықаралық маршруттық желіні кеңейтуді жалғастыра отырып, қолжетімді әуе тасымалдары мен тұрақты операциялық қызметке басымдық береді. Алматы – Самарқан бағыты бойынша рейстердің қайта ашылуы жолаушылардың Өзбекстанға сапарларға деген тұрақты қызығушылығын көрсетеді және Орталық Азияда тікелей әуе қатынасын дамыту стратегиямызға толық сай келеді».
Күндізгі ыңғайлы ұшу уақыты жолаушыларға сапарды тиімді жоспарлауға мүмкіндік береді. Сол арқылы қысқа мерзімді іскерлік сапарлар үшін де, ұзақ уақытқа арналған саяхаттар үшін де қолайлы.
Әуе билеттерін FlyArystan мобильді қосымшасы арқылы, www.flyarystan.com ресми сайтында, сондай-ақ өзге де қолжетімді арналардан сатып алуға болады.
FlyArystan туралы:
FlyArystan – Air Astana тобының 100% еншілес компаниясы болып табылатын қазақстандық лоукостер. Ол өз қызметін 2019 жылдың мамыр айында бастады. Әуекомпания Алматы, Астана және Ақтау қалаларында орналасқан базаларындағы заманауи A320 ұшақтарынан құралған әуе паркімен рейстер орындайды. FlyArystan кең ауқымды маршруттар желісі ішкі және халықаралық рейстерді, сондай-ақ чартерлік бағыттарды қамтиды. FlyArystan 2023, 2024 және 2025 жылдары үш рет Skytrax World Airline Awards тарапынан Орталық Азия және ТМД-ның ең үздік бюджеттік әуекомпаниясы деп танылды.
Сіз жаңалықтар туралы не ойлайсыз