«Қазақстанның Автокөлік Одағы» (ҚАО) дерегінше, 2025 жылғы қарашада Қазақстанда 25 804 жеңіл автокөлік пен коммерциялық техника сатылды. Бұл өткен жылдың қарашасымен салыстырғанда 22,7% жоғары. Айлық сатылым бойынша бұл – рекорд, ал 2025 жыл Қазақстандағы ресми авторитейл тарихындағы ең нәтижелі жыл болмақ. Жыл басынан бері 11 айда отандық дилерлер 207 616 жаңа автокөлік өткізді (+15,6%).
Анар МАҚАШЕВА, ҚАО президенті: «Қараша айында ресми дилерлер 25 мыңнан астам жаңа автокөлікті өткізді, және бұл ай рекордтық нәтиже көрсетті. 2025 жылдың 11 айының қорытындысы бойынша жаңа автокөлік нарығы былтырғы жылдың толық көрсеткішінен асып түсті, әрі алда бізді белсенді сатылым кезеңіндегі тағы бір ай күтіп тұр. Уәде еткендей, дилерлер серіктестермен бірлесіп қаржыландыру құралдарының қатарын кеңейтіп, арнайы ұсыныстар мен акцияларды іске қосуда. Дәстүрлі түрде желтоқсан автокөлік сатып алу үшін ең тиімді ай саналады. Республикамыздың Тәуелсіздік күні қарсаңында серіктестеріміз бен сатып алушыларымызға сенім білдіргені және саланың дамуына қосқан үлесі үшін алғыс айтып, барша қазақстандықтарды алда келе жатқан мерекемен құттықтаймын».
Қарашада ең көп сатылған маркалар рейтингінде орын алмастыру болды: Chevrolet 7 777 автокөлікпен (өткен жылдың қарашасымен салыстырғанда +76%) көш бастап, Hyundai нәтижесін (5 261; +37,9%) басып озды. Kia дилерлері 1 990 автокөлік сатты (+23,1%), Jetour – 1 326 (+43,7%). Бесінші орында Toyota (1 252; +3,4%). Алтыншы – Chery (1 123; -25,9%), жетінші – Haval (1 091; -24,9%). Үздік ондықты Changan (1 006; +4,1%), Geely (828; -15,3%) және Jac (597; -43,5%) толықтырды.
Қараша айындағы ең танымал модельдер: Chevrolet Cobalt (7 105), Hyundai Tucson (1 945) және Kia Sportage (1 320). Төртінші орында – Hyundai Mufasa (1 019). Одан кейін: Hyundai Elantra (907), Haval M6 (641), Hyundai Santa Fe (614), Chevrolet Onix (609), Changan CS55 Plus (498) және Hyundai Sonata (487). Үздік ондыққа енген барлық модель Қазақстанда өндірілген.
Он бір ай қорытындысы бойынша брендтер арасында Hyundai көш бастап тұр (45 220; +19,3%). Екінші орында – Chevrolet (33 486; +26,5%), үштікті Kia түйіндеді (21 481; +1,9%). Jetour төртінші орында (13 012 кроссовер; +55,6%). Бесінші – Chery (12 518; -7%), алтыншы – Haval (10 424; +7,8%). Одан кейінгі орындарда: Changan (10 131; +31,6%), Toyota (10 075; +2,9%), Geely (9 020; +24,6%) және Jac (8 787; -13,4%).
ТОП-20: 2025 ЖЫЛҒЫ ҚАРАШАДАҒЫ ЖАҢА ЖЕҢІЛ ЖӘНЕ КОММЕРЦИЯЛЫҚ АВТОМОБИЛЬДЕР САУДАСЫ
| ҚАРАША | ҚАҢТАР-ҚАРАША | |||||
| 2024 | 2025 | % | 2024 | 2025 | % | |
| Chevrolet | 4 418 | 7 777 | 76,0% | 26 463 | 33 486 | 26,5% |
| Hyundai | 3 815 | 5 261 | 37,9% | 37 918 | 45 220 | 19,3% |
| Kia | 1 617 | 1 990 | 23,1% | 21 087 | 21 481 | 1,9% |
| Jetour | 923 | 1 326 | 43,7% | 8 360 | 13 012 | 55,6% |
| Toyota | 1 211 | 1 252 | 3,4% | 9 790 | 10 075 | 2,9% |
| Chery | 1 515 | 1 123 | -25,9% | 13 466 | 12 518 | -7,0% |
| Haval | 1 452 | 1 091 | -24,9% | 9 672 | 10 424 | 7,8% |
| Changan | 966 | 1 006 | 4,1% | 7 700 | 10 131 | 31,6% |
| Geely | 978 | 828 | -15,3% | 7 237 | 9 020 | 24,6% |
| Jac | 1 056 | 597 | -43,5% | 10 143 | 8 787 | -13,4% |
| BYD | 453 | 0,0% | 2 780 | 0,0% | ||
| Yutong | 69 | 453 | 556,5% | 1 089 | 1 462 | 34,3% |
| Lexus | 321 | 318 | -0,9% | 3 267 | 2 709 | -17,1% |
| GAZ | 330 | 290 | -12,1% | 3 744 | 3 198 | -14,6% |
| Lada | 152 | 266 | 75,0% | 902 | 2 569 | 184,8% |
| Tank | 187 | 179 | -4,3% | 1 804 | 2 052 | 13,7% |
| Golden Dragon | 123 | 158 | 28,5% | 545 | 271 | -50,3% |
| Jac Trucks | 159 | 154 | -3,1% | 1 160 | 1 141 | -1,6% |
| Subaru | 55 | 138 | 150,9% | 952 | 1 254 | 31,7% |
| Kaiyi | 115 | 103 | -10,4% | 611 | 1 110 | 81,7% |
| Басқалар | 1 562 | 1 041 | -33,4% | 13 714 | 14 916 | 8,8% |
| Жалпы нәтиже | 21 024 | 25 804 | 22,7% | 179 624 | 207 616 | 15,6% |
Анықтама:
«Қазақстанның Автокөлік Одағы» (ҚАО) – «Казахстанский Автомобильный Союз» заңды тұлғалар бірлестігі – 2023 жылдың 21 шілдесінде Астанада құрылған коммерциялық емес құрылым.
ҚАО құрамына Қазақстандық автомобиль өндірушілер қауымдастығы; Қазақстанның автомобиль бөлшектерін өндірушілер қауымдастығы; Қоғамдық көліктер қауымдастығы; Қазақстан импорттаушылар қауымдастығы; Бизнесті және кәсіпкерлікті дамыту қауымдастығы; «QazAutoStandard» автокөлік сарапшылары мен аудиторлар қауымдастығы
Сіз жаңалықтар туралы не ойлайсыз