Алматы қаласының №7 қалалық клиникалық ауруханасында 2025 жылғы 27 қарашада иық және тізе буындарының артроскопиялық хирургиясы бойынша халықаралық шеберлік сағаты өтті. Бұл маңызды іс шара медицина қызметкерлерінің біліктілігін арттыруға және Қазақстан мен Ресей мамандары арасында тәжірибе алмасуды дамыту мақсатында ұйымдастырылды.
Бағдарлама теориялық және практикалық екі бағытты қамтыды: заманауи әдістерді көрсету, клиникалық жағдайларды талдау және арнайы шақыртумен ресейлік ортопед- хирург Евгений Васильевтің (Мәскеу қаласы) қатысуымен көрсетілімді оталар жасалды. Қатысушылар иықтың тұрақсыздығы кезіндегі артроскопия әдістерін, айналмалы манжетті қалпына келтіруді, сондай-ақ алдыңғы крест тәрізді байламның артроскопиялық реконструкциясын және мениск тігуін талқылады.
№7 ҚКА ортохирургия бөлімшесінің меңгерушісі Арнат Байзақовтың хабарлауынша, шеберлік сағаты барысында күрделі клиникалық жағдайлары бар үш көрсетілімді операция жасалды.
«Бірінші жағдайда- пациентте иық айналмалы манжетінің жыртылуы болды. Жарақаттың мерзімі ескі, бес ай бұрын болған, тұрақсыздық қалыптасқан, қозғалыстың шектелуі және айқын ауырсыну синдромы пайда болған. Кішкентай тесіктер арқылы артроскопиялық реконструкция жасадық — сүйек бұлшықеті тігілді», — деп атап өтті А.Р.Байзақов.
Екінші жағдайда жас футболшы-спортшыға сіңірдің жыртылуы мен менисктің зақымдалуына ота жасағанын айтты.
«Біз менискілерді ішінара кесіп алып, оны толық қалпына келтіруге көштік. Жаңа технологиялардың арқасында, менискті аз инвазивті тәсілдер арқылы тігеміз, бұл қалпына келу мерзімін қысқартып, футболшының спортқа тез әрі қауіпсіз оралуына мүмкіндік береді», — деді.
Оған қоса , жоспарда қосымша сіңірді ауыстыру және алдыңғы крест тәрізді байламды нығайту тұрды.
«Үшінші жағдайда — иығы шыққан науқас. Иық бірнеше рет шыққан. Тұрақсыздық кезінде біз буын ерінін қалпына келтіреміз, анкерлер орнатамыз буынның артқы және алдыңғы қабырғаларын бекітеміз және сүйек бұлшық етін тігеміз. Бұл күрделі, бірақ тиімділігі жоғары ота» , — деді дәрігер.
Ресейден келген хирург Евгений Васильевтің айтуынша, заманауи материалдар мен импланттардың атқаратын ролі өте маңызды.
«Биологиялық сыйымдылығы мен сенімділігі бар өздігінен сорылатын яклорлық бекіткіштер пайдаланылды. Технологиялар жыл сайын өткен сайын жетілдіріліп келеді, бұл емдеу сапасын жақсартады», — деп атап өтті Васильев.
Ортопедтер, травматологтар және анестезиологтар — реабилитологтар құрамындағы бейінаралық команданың рөліне ерекше назар аударылды. Оған отаның нәтижесі ғана емес, пациенттің жағдайы да байланысты.
«Біздің мемлекетте және клиниканың басшылығы жаңа технологияларды енгізуді қолдайды. Бұл заманауи жабдықтарды пайдаланып, шетелдік әріптестерден үйренуге, сондай-ақ өз тәжірибесімен бөлісуге мүмкіндік береді», — деп сөзін қорытындылады Арнат Байзақов.
Осындай іс-шараларды өткізу елдер арасындағы кәсіби байланыстарды нығайтып, дәрігерлер үшін жаңа білім беру платформасын қалыптастырады. Халықаралық шеберлік сағаты Қазақстанның ортопедиялық қызметін дамытуда маңызды қадам болды, бұрын тек шетелде ғана қолжетімді болған заманауи емдеу әдістеріне пациенттердің қолжетімділігін кеңейтті.
№7 Қалалық клиникалық аурухана алдыңғы қатарлы технологияларды енгізуді жалғастырып, соңғы халықаралық хаттамалар бойынша операциялар жүргізіп, пациенттерге жоғары деңгейде медициналық көмек көрсетеді.
Сіз жаңалықтар туралы не ойлайсыз