Жаңа адамдардың «Тұмар» азаматтық науқаны қауіпсіздік мәдениетін және зорлық-зомбылық пен харассментке нөлдік төзімділікті қалыптастыру бағытындағы жүйелі жұмысын жалғастыруда. Қозғалыстың YouTube арнасында шынайы оқиғаларға негізделген «Қауіпсіз әйелдер таксиі» жобасының алғашқы шығарылымы жарық көрді. Бұл жоба жеке шекарасы бұзылып, үнсіз қалмауға батылдық танытқан қыздардың оқиғаларын баяндайды.
Жоба Мемлекет басшысы Қасым-Жомарт Тоқаевтың тапсырмасы және «Қауіпсіз Қазақстан» акциясы аясында Алматы қаласында жүзеге асырылды. Қала көшелерінде жүргізушілері де, жолаушылары да тек әйелдер болған жеті «Қауіпсіз әйелдер таксиі» көлігі жүрді. Сол сапарлар кезінде қатысушылар өз тәжірибелерімен бөлісіп, бастан өткергендерін және неге үнсіз қалу енді шешім еместігін айтты.
Алғашқы шығарылымда қыздардың оқиғаларымен қатар психолог-маманның пікірі мен осындай жағдайларда өзіңді қалай ұстау керектігі туралы практикалық кеңестер берілді. Кейіпкерлердің бірі сапар кезінде жүргізушінің көлікте шешіне бастаған сәтін баяндады. Екіншісі — адамға лық толы автобуста ешкім араласпаған алымсақтық оқиғасын айтты. Мұндай жағдайлар мәселе тек қол көтергендерде емес, айналадағы немқұрайлықта да екенін көрсетеді.
Слемғали Шакизада, Жаңа адамдар:
«Бүгінде Қазақстанда маңызды заңдар қабылданды — сталкингке, мәжбүрлі некеге тыйым салынды, тұрмыстық зорлық-зомбылық үшін жауапкершілік күшейтілді. Бірақ заңдармен қатар қоғамда жеке шекараға құрмет көрсету мәдениеті қалыптасуы керек. Әділетсіздікке бейжай қарамау — әр азаматтың борышы болуы тиіс».
Толық шығарылымды Жаңа адамдардың YouTube арнасынан көре аласыздар:
Сіз жаңалықтар туралы не ойлайсыз