FlyArystan әуекомпаниясы Қазақстанның жетекші туроператорларымен бірлесе отырып, Алматы және Астана қалаларынан Солтүстік Гоа бағытына чартерлік бағдардамаларды іске қосады. Рейстер жаңа жыл мен қысқы туристік маусымға орай ұйымдастырылып, жолаушыларға мерекелік кезеңді Үнді мұхитының жағалауында қарсы алуға мүмкіндік береді.
Чартерлік бағдарламалар кестесі:
- Алматы – Гоа – Алматы: 2025 жылғы 26 желтоқсаннан бастап, сәрсенбі және жұма күндері.
- Астана – Гоа – Астана: 2025 жылғы 30 желтоқсаннан бастап, сейсенбі күндері.
Рейстер Солтүстік Гоа аймағында орналасқан Манохар халықаралық әуежайына (Manohar International Airport, GOX) орындалады. Бұл әуежай заманауи инфрақұрылымымен және танымал курорттарға ыңғайлы қолжетімділігімен ерекшеленеді, сол арқылы туристерге жайлы логистика мен қонақүйлерге тез жету мүмкіндігі ұсынады. Бағыттың атмосферасымен танысып, сапарды жоспарлауға арналған пайдалы кеңестер алу үшін FlyArystan компаниясының Low-Cost Travel айдарының жаңа шығарылымын YouTube арнасынан көруге болады.
Чартерлік бағдарламаның іске қосылуы – қазақстандықтардың қыс мезгілінде Гоаға демалуға деген тұрақты қызығушылығын және танымал туристік бағыттарға тікелей рейстерге сұраныстың артып келе жатқанын көрсетеді.
Турпакеттердің бағасы мен брондау мәселелері бойынша туристік агенттіктерге хабарласуға болады.
FlyArystan туралы:
FlyArystan – Air Astana тобының 100% еншілес компаниясы болып табылатын қазақстандық лоукостер. Ол өз қызметін 2019 жылдың мамыр айында бастады. 2025 жылдың қаңтар айынан бастап FlyArystan өз эксплуатант сертификатын алып, FS коды бойынша тәуелсіз әуекомпания ретінде қызмет көрсетуде. Әуекомпания Алматы, Астана және Ақтау қалаларында орналасқан базаларындағы заманауи A320 ұшақтарынан құралған әуе паркімен рейстер орындайды. FlyArystan кең ауқымды маршруттар желісі ішкі және халықаралық рейстерді, сондай-ақ чартерлік бағыттарды қамтиды. FlyArystan 2023, 2024 және 2025 жылдары үш рет Skytrax World Airline Awards тарапынан Орталық Азия және ТМД-ның ең үздік бюджеттік әуекомпаниясы деп танылды.
Сіз жаңалықтар туралы не ойлайсыз