Қытайлық автомобильдер қазақстандық нарықтағы өзінің қатысуын сенімді түрде арттыруда. Қазақстандық автобизнес қауымдастығының мәліметтері бойынша 2025 жылдың сегіз айында біздің елімізде ҚХР-дан 53 654 автомобиль сатылды. Жалпы, қазақстандықтар осы уақыт ішінде 136 402 көлік сатып алды, яғни ҚР-да сатылған әрбір үшінші автомобиль Қытайлық.
Ең танымал 5 «қытайлықты» Jetour бастап тұр — қаңтардан тамызға дейін осы брендтің 9491 көлігі сатылды. Екінші орынды Chery иеленді, 9293 машина жаңа иелерін тапты, ең көп сұранысқа ие Chery Tiggo 2 және Chery Tiggo 7 Pro max болды. Үшінші орында – Haval, содан кейін Changan келеді және рейтингіні Geely жабады, бұл бренд Geely Coolray және Geely Emgrand модельдерімен ерекше танымал болды.
ҚХР-лық ең көп сатылатын 5 автомобиль (2025 жылдың 8 айы)
1. Jetour — 9 491 дана.
2. Chery — 9 293 дана.
3. Haval — 7 685 дана.
4. Changan — 6 672 дана.
5. Geely — 7001 дана.
Сатылған автомобильдер саны (2025 жылдың 8 айы)
Барлығы ҚР-да сатылғаны — 136 402
ҚХР-лық автомобильдердің сатылғаны — 53 654
(ҚАБҚ деректері)
«Қытайлардың» автокөлік әуесқойларын қызықтыратын тұстары — экспрессивті дизайны, технологиялық интерьері, сандық панельдері, заманауи электроникасы және бай жабдығы, сонымен қатар, осының бәрі қол жетімді бағада. Бұдан басқа, дилерлер әртүрлі акциялар, жеңілдіктер және жеңілдікті автокредиттер арқылы сатылымдарды белсенді түрде насихаттайды, бұл сатып алуды одан да қолжетімді етеді.
Қытай машиналары қазақстандық нарықта мықтап бекітілгеніне қарамастан, мұндай автомобильдер үшін каско құны орташадан жоғары.
«Сақтандырушылар қытайлық автомобильдер үшін күшейту коэффициенттерін немесе жеке тарифтік торларды қолданады. Бұл олардың қосалқы бөлшектері мен шанақ элементтерінің әзірге қымбат болғандығынан және оларды көбінесе ҚХР-дан тапсырыс беруге тура келетіндіктен», — деп түсіндіреді Alatau City Garant өнімдерін әзірлеу департаментінің директоры Антон Слабков.
Сақтандыру компаниялары автокасконың құнын есептеу кезінде қытайлық брендтердің автомобильдерін сапалы жөндеуге қабілетті мамандандырылған ТҚС пен білікті шеберлердің жеткіліксіз санын да ескереді.
Қытайлық автомобильдерге, электромобильдерге және гибридтерге арналған каско полисі әдетте автомобиль құнына тең болатын сақтандыру сомасының орта есеппен 4,5-6%-н құрайтын ең көп таралған тәуекелдерден қорғауды қамтиды. Салыстыру үшін, басқа брендтердің автомобильдеріне арналған каско орташа есеппен 3,1%-ды құрайды.
Қытайлық автокөліктерді сақтандыру қымбатқа түссе де, ол автокөлік иелерін қаржылық қорғаудың сенімді құралы болып қала береді, бұл жол-көлік оқиғасы, айдап әкету, өрт, жарылыс немесе табиғи апаттар кезінде елеулі залалдардың алдын алады.
Сіз жаңалықтар туралы не ойлайсыз