Алматы, 2025 жылғы 16 қазан. Central Asia Warehouse Summit (CAWS 2025) форумында IBC Global компаниясы Қазақстандағы «А» классты қойма алаңдарының ең ірі меншік иелері рейтингісін ұсынды. Зерттеуге 663 000 шаршы метр жергілікті жалпы көлемдегі алаңдарды басқаратын 19 оператор кірді. Бірінші бестік меншік иелері елдегі сапалы қойма жылжымайтын мүліктің 47,5%-ынан астамын — 300 000+ шаршы метрден артық алаңды иемденеді.
Рейтингтің көшбасшылары — ЖШС «Focus Logistics» (91 175 ш. м), ЖШС «Continental Logistics» (64 534 ш. м), ЖШС «Imagine Apple Logistics» (54 658 ш. м), АҚ «ALG Company» (48 500 ш. м) және ЖШС «Астык Логистик» (44 401 ш. м). Топ ондыққа сондай‑ақ ЖШС «РЕНТ ЛОГИС», ALMATY CONTRACT LOGISTIC, «Фаэтон», Rainbow Logistics 2 және AIE Logistics енді.
Рейтингке эксплуатацияға берілген және техникалық құжаттармен расталған объектілер енгізілді. Тізімге IBC Global‑тің 2025 жылғы әзірлеген «А» классты қоймалар критерийлеріне сай қоймалар кірді. Негізгі талаптардың бірі — алаңы 5 000 шаршы метрден кем болмауы, төбенің биіктігі кемінде 12 метр, док жүйесінің дамыған болуы, қауіпсіздік пен энергия тиімділігі бойынша заманауи жабдықтар.
IBC Global өкілдерінің айтуынша, рейтинг жасалған кезде ақпараттың сенімділігіне ерекше мән берілді. Барлық деректер техникалық тексеруден өтті және тәуелсіз дереккөздермен салыстырылды. Тізімге енген компаниялардың объектілері Алматыда, Астанада, Шымкентте, Актобеде және Жетісу облысында орналасқан, бұл Қазақстандағы сапалы қойма инфрақұрылымының географиясының кеңейіп келе жатқанын көрсетеді.
«Бүгінде нарықтың басты проблемаларының бірі — алаңдарды тиімсіз пайдалану: айқын генплан жоқ, сақтау және өрт қауіпсіздігі жүйелері заманауи емес. Сонымен қатар, электрондық коммерцияның дамуы мүлде басқа ұйымдастыру деңгейін талап етеді — жылдамдық, технологиялылық және сенімділік. Сондықтан «А» классты қоймалар стандарттарына ұмтылу маңызды: талаптары жоғары болғанымен, мұндай объектілер соңында эксплуатация және логистика параметрлері бойынша тиімдірек болып шығады. Біздің рейтинг нарықтың ашық бейнесін қалыптастырып, стандарттардың нақты қай жерде сақталып жатқандығын көрсетуге бағытталған. Бұл компанияларға ғана емес, банктерге де, инвесторларға да осы сегментте дұрыс бағдар алуға және оның тұрақты дамуын қолдауға көмектеседі», — деп атап өтті IBC Global компаниясының басқарушы серіктесі Станислав Ахмедзянов.
CAWS 2025 – логистикалық, инвестициялық және девелопмент қауымдастықтарының өкілдерін біріктірген ең ірі өңірлік алаң. Форумда Орталық Азиядағы қойма жылжымайтын мүлік нарығының даму тенденциялары, жаңа сауда бағыттарының әсері және Қазақстанның жаһандық жеткізу тізбектеріндегі орны талқыланды.
Бас демеушілер — FIRST және ALUTECH, сондай-ақ ASTRON, SPARK, FMCA, GRIFFIN PARTNERS, STANDART Project Bureau, ALKANOV GROUP, «А СТАЛЬ АЗИЯ» және ELP (Eurasian Logistics Park). Олардың қатысуы өндірушілерді, девелоперлерді, инвесторларды және логистикалық операторларды біріктіретін кәсіби экожүйе қалыптастыруға бизнестің жоғары қызығушылығын көрсетті.
Сіз жаңалықтар туралы не ойлайсыз