Құжат елдің телекоммуникациялық және цифрлық инфрақұрылымын дамытуға бағытталған. Онда тараптардың ұзақмерзімді серіктестікті нығайтуға, тәжірибені біріктіруге және Қазақстанның цифрлық трансформациясын қолдайтын, заманауи сервистерді миллиондаған тұрғындарға қолжетімді ететін инновациялық технологияларды енгізуге ниетті екені бекітілді.
Бұл меморандум жаңа технологияларды кеңінен енгізуге және ел көлемінде пайдаланушыларға қолжетімді болатын қызметтер түрлерін кеңейтуге мүмкіндік жасайды. Tele2/Altel компаниясы көптеген бағыттарда көшбасшы болып табылады және ең алдымен OOKLA нұсқасы бойынша «Қазақстандағы үздік 5G желісі» иегері.
«Тек 2025 жылдың өзінде біз елдік деңгейдегі бірнеше ауқымды 5G жобаларын іске асырдық. Huawei компаниясымен тығыз әріптестік 5G негізіндегі сервистерді кеңейту ісінде көшбасшылық және бәсекелестік артықшылықтарымызды нығайтады. Ерекше назар корпоративтік сегментті дамытуға аударылып отыр, мұнда Tele2/Altel мен Huawei жеке кәсіпорындар мен жекелеген пайдаланушыларға арналған жеке 5G, LTE және FWA шешімдерін енгізу және дамыту бойынша бірлескен пилоттық жобаларды жүзеге асыруда».
Huawei компаниясы желілерді интеллектуалды жоспарлау мен қызмет көрсетудің заманауи шешімдерін ұсынбақ, бұл жиілік спектрін тиімді пайдалануға, операциялық шығындарды азайтуға және жаңа қызметтердің іске қосылуын жеделдетуге мүмкіндік береді. Тараптар сондай-ақ Huawei Cloud базасында деректер көлі (Data Lake) атты орталықтандырылған платформа құруды жоспарлап отыр, онда жасанды интеллект негізіндегі аналитикалық құралдар қолданылады.
Арнайы назар пайдаланушыларды интеллектуалды қолдау сервистерін енгізуге аударылмақ. Ынтымақтастық аясында Huawei компаниясы Tele2/Altel-ге клиенттермен өзара әрекет сапасын арттырып, жаңа цифрлық қызмет көрсету форматтарын ұсынуға мүмкіндік беретін инновациялық шешімдерді ұсынады.
«Huawei үшін басты басымдық — адамдар мен бизнеске нақты пайда әкелетін технологияларды жасау. Tele2/Altel компаниясымен серіктестікте біз байланыс сапасын арттыруға, цифрлық сервистердің аясын кеңейтуге және желілердің тиімділігін арттыруға бағытталған жобаларды дамытамыз. Біз ортақ бастамаларымыз осы мақсаттарға жетуге және Қазақстандағы телекоммуникациялық қызметтердің жаңа сапа стандартын қалыптастыруға көмектесетініне сенімдіміз», — деп атап өтті Huawei Technologies Kazakhstan компаниясының бас директоры Сун Ясюй.
Ынтымақтастықтың жеке бағыты «Ақылды қала» тұжырымдамасын дамытуға арналған. Алғашқы қадам ретінде Астанада пилоттық жоба іске қосылады, онда қалалық сервистердің тиімділігін арттырып, тұрғындардың өмір сүру жайлылығын жақсартуға бағытталған шешімдер сыналмақ.
Жобаның маңызды бөлігі ретінде Қазақстан мен Қытайда басшылар мен инженерлік топтарға арналған инновациялық семинарлар өткізу жоспарланып отыр. Бұл шаралар тәжірибе алмасуға және қалалық кеңістікті цифрландыру саласындағы озық халықаралық тәжірибелерді таныстыруға ықпал етпек.
Сіз жаңалықтар туралы не ойлайсыз