2025 жылдың 5-9 қазаны аралығында Ақтауда Мемлекет басшысы жариялаған Біліктілік жылы аясында түркітілдес елдер арасында алғашқы кәсіби шеберлік чемпионаты «TurkicSkills» өтеді.
Бұл тарихи оқиғаға Қазақстан, Түркия, Әзірбайжан, Венгрия, Өзбекстан, Қырғызстан, Түрікменстан және Моңғолия сияқты сегіз елден 16 мен 22 жас аралығындағы 100-ден астам жас маман мен 80 жоғары білікті сарапшы қатысады.
Ұлттық құрама сапында Алматы құрылыс-техникалық колледжінің студенттері бар. Тынышбай Дінмұхамед пен Кәрім Ілмұрат «Сантехника және жылумен жабдықтау» және «Дәнекерлеу технологиялары» құзыреттері бойынша Қазақстан атынан қатысады.
Байқау ақпараттық технологияларды, құрылыс және құрылыс технологияларын, өндірістік және инженерлік технологияларды, әлеуметтік және жеке қызметтерді қамтитын 15 негізгі құзыретті қамтиды. Мобильді робототехника және ұшқышсыз ұшу аппараттарын (дрон) басқару сияқты перспективалы салаларға ерекше назар аударылады.
Бұл ауқымды халықаралық жоба көгілдір жұмыс орындарының беделін нығайтуға, кәсіби кеңістік құруға, түркітілдес елдердің жас мамандарының тәжірибе алмасуын ынталандыруға бағытталған.
Чемпионат жастардың әлеуетін ашуда, заманауи технологияларды ілгерілетуде және заман талабына төтеп бере алатын білікті кадрлардың жаңа буынын дамытуда маңызды алаң болмақ.
Ұйымдастырушы – Қазақстан Республикасы Білім министрлігі. Жобаны Қазақстан Республикасы Білім министрлігіне қарасты «Талап» ҰБО және Маңғыстау облысының әкімдігі жүзеге асыруда.
Сіз жаңалықтар туралы не ойлайсыз