ADVERTISEMENT
Яндекс Go жүргізушілерге арналған платформаны жаңартты: енді сервиске қосылу үшін қоңырау шалудың қажеті жоқ — саңырау және нашар еститін жандарға бейімделген сайт арқылы қосылуға болады. Оқыту ым тілімен қолжетімді, ал көліктерде жүргізушілер мен жолаушыларға өзара қарым-қатынас жасауға көмектесетін карточкалар пайда болды. Қазақстанда Яндекс Go-мен 1525 саңырау және есту қабілеті төмен жүргізуші жұмыс істейді. Олар айына 150 000-нан астам сапар жасайды.
Жаңартулар жыл сайын қыркүйектің соңғы жексенбісінде аталып өтетін Халықаралық саңыраулар күніне орай шығарылды. Өзгерістер есту қабілетінде ерекшелігі бар жүргізушілердің тәжірибесі мен кері байланысын ескере отырып енгізілді.
Енді сервиске жеке сайт арқылы қосылуға болады — толығымен мәтіндік форматта, қоңырау шалудың қажеті жоқ. Жүргізуші өтініш формасын толтырғаннан кейін, қолдау қызметі онымен мессенджер арқылы байланысады. Яндекс Про орындаушыларына арналған қолданбада оқыту ымдау тіліне аударылды.
Жолаушылармен өзара әрекеттесуді жеңілдету үшін көліктерде «Саңырау немесе нашар еститін жүргізуші» деген жазуы бар бас қойғыш қаптары және қарым-қатынасқа арналған карточкалар пайда болды. Олардың көмегімен, мысалы, жүргізушіден кондиционерді немесе музыканы қосуын сұрауға болады.
Таксопарктер үшін сарапшылар саңырау және нашар еститін жүргізушілермен қарым-қатынас орнатуға көмектесетін
жадынама дайындады. Такси қызметінде жұмыс істеуді есту ерекшеліктері бар адамдарға қолжетімдірек ету мақсатында Яндекс Про оны ашық және қолжетімді етті.
«ITeachMe Құзыреттерді дамыту орталығы» Қоғамдық қорының директоры Захира Бегалиева:
«Инклюзия саласының сарапшысы ретінде мен мынаған сенемін: денсаулығында ерекшелігі бар адамдарды қолдау тек әлеуметтік бастама емес, ол қоғамның жүйелі саясаты мен мәдениетінің бір бөлігі болуға тиіс. Мүгедектігі бар адам тек білім алып қана қоймай, оған өзін кәсіпте жүзеге асыруына мүмкіндік беретін жағдай жасау маңызды. Жұмысқа қабылдау және еңбек үдерісі есту қабілетінде ерекшелігі бар адамдардың қажеттіліктерін — түсінікті нұсқаулықтар мен ымдау тіліндегі оқытудан бастап, таксопарктер тарапынан көрсетілетін қамқорлыққа дейін — ескерген кезде, кедергілер азаяды, ал еңбек нарығы қолжетімді бола түседі. Біз Яндекс компаниясына серіктестерге арналған жадынаманы жетілдіруге көмектескенімізге қуаныштымыз, өйткені ол есту қабілетінде ерекшелігі бар көбірек жүргізушіні жұмысқа орналастыруға және оларға лайықты табыс табуға мүмкіндік береді».
Бұған дейін Яндекс Про қолданбасында есту қабілетінде ерекшелігі бар жүргізушілерге арналған арнайы мүмкіндіктер пайда болды. Егер оларды іске қосса, тапсырыс түскен кезде жүргізушінің смартфоны дірілдеп, экраны жыпылықтайды. Жолаушылар мен қолдау қызметі бұл тапсырысты саңырау немесе есту қабілеті төмен жүргізуші орындап жатқанынан хабардар болады. Сол сәтте «Қоңырау шалу» түймесі белсенді болмайды, ал қарым-қатынас чатқа ауысады. Жүргізушілер бұл опцияларды қолдау қызметі арқылы қоса алады — өтініш өңделгеннен кейін сервис интерфейсі жаңартылады.
Сіз жаңалықтар туралы не ойлайсыз