«Робокэш.кз» МҚҰ» ЖШС (бұдан әрі – Компания) Қазақстан Республикасының Қаржы нарығын реттеу және дамыту агенттігінен микрокредит беруді 2 айға тоқтата тұру туралы хабарлама алды.
Компания бұл үзілісті өнімді бейімдеу және ішкі процестерді жетілдіру үшін пайдаланады. Босаған ресурстар жаңа өнімдерді іске қосуға, яғни ШОБ үшін микрокредиттер мен автокөлікті кепілге қоюға бағытталатын болады. Компания мұны сервис пен көрсетілетін қызметтердің сапасын арттыру және қолданыстағы ережелер мен реттеуші талаптарына толық сәйкестікті қамтамасыз ету үшін берілген мүмкіндік ретінде қарастырады.
«Біз реттеушінің шешімін құрметпен қабылдаймыз және оны өз дамуымыздың маңызды кезеңі ретінде қарастырамыз. Бұл кезең бізге ішкі үдерістерді жүйелі түрде қайта қарап, олардың тиімділігін арттыруға мүмкіндік береді. Қазіргі уақытта біз қаржы реттеушісімен тығыз ынтымақтастық орнатып, түзету шараларының егжей-тегжейлі жоспарын әзірлеудеміз. Біздің мақсатымыз – ескертулерді барынша тез жою, өнімді бейімдеу және жұмысқа жаңа сапа деңгейінде оралу», – деп түсіндірді Компанияның бас директоры Әсет Қасенбаев.
Осы шешім біздің клиенттермен қолданыстағы келісімшарттарға әсер етпейді – микрокредиттерді өтеу жөніндегі барлық қызмет көрсету шарттары мен міндеттемелер толық көлемде сақталады.
Компания нарықтағы маңызды ойыншы ретінде қала береді, клиенттер, серіктестер және инвесторлар сенімін нығайту бағытында белсенді жұмыс істейді және үздік тәжірибелерді енгізуді жалғастыруда. Мәселен, осы жылдың басында Компания микрокаржылық ұйымдар арасында алғашқылардың бірі болып клиенттердің жеке деректерін киберқорғаудың көпдеңгейлі жүйесін енгізді, ол әлемдік жетекші банктер деңгейіндегі қауіпсіздікті қамтамасыз етеді. Сондай-ақ, Компания Fitch Ratings рейтингін алды, бұл оның ашықтығын, қаржылық тұрақтылығын және халықаралық стандарттарға сәйкестігін көрсетеді. Айта кету керек, осы жылдың мамыр айында Компания Қазақстан қор биржасы АҚ алаңында жалпы сомасы 3 млн АҚШ долларын құрайтын, жылдық 10% кірістілікпен екі жылдық долларлық облигацияларды сәтті дебюттік орналастырды.
Біз клиенттер мен серіктестерді тек ресми ақпарат көздеріне сенуге шақырамыз. Сұрақтар туындаған жағдайда төменде көрсетілген байланыстар бойынша Компанияның ресми қызметіне жүгінулеріңізді сұраймыз:
«Робокэш.кз» МҚҰ» ЖШС баспасөз қызметі
Қазақстан Республикасы, A05F4E4
Алматы қ., Монгольская көшесі, 44-үй
АРРФР (ҚНРДА) лицензиясы № 02.21.0032.М
+ 7 776 578 88 38
Сіз жаңалықтар туралы не ойлайсыз