Mars, Incorporated компаниясы өзінің жыл сайынғы «Ұрпақтан ұрпаққа тұрақтылық» атты есебін ұсынып, ұзақ мерзімді экологиялық және әлеуметтік мақсаттарға жетудегі жүйелі ілгерілеуін айқындады.
Мәліметтерге сәйкес, 2024 жылы Mars 2015 жылмен салыстырғанда парниктік газдар шығарындыларын 16,4%-ға қысқартты, тұрақты су пайдалану деңгейіне дейінгі алшақтықты 36%-ға азайтты және қайта өңделетін әрі көп рет пайдаланылатын қаптаманың үлесін 64%-ға дейін ұлғайтты. Сонымен бірге компанияның бизнесі 69%-ға өсті. Бұл экологиялық жауапкершілік пен экономикалық өсімнің бүгінгі таңда бірін-бірі толықтыратын факторлар екенін айқын көрсетеді.
Мұндай нәтижелерге жаңартылатын энергия көздеріне көшу, ормандардың кесілуін болдырмау, «ақылды» ауыл шаруашылығы технологияларын енгізу, логистиканы дамыту және қаптаманы қайта өңдеу арқылы қол жеткізілді. Прогресті жеделдету үшін Mars сүт өндірісіндегі шығарындыларды азайтуға, регенеративті ауыл шаруашылығын дамытуға және жаңартылатын энергетикаға көшуге бағытталған жобаларға 3 млрд АҚШ долларын инвестициялауда. Mars 2050 жылға қарай бүкіл жеткізу тізбегі бойынша көміртектік бейтараптыққа қол жеткізуді стратегиялық мақсат ретінде қойып, аралық міндет ретінде 2030 жылға дейін шығарындыларды 50%-ға қысқартуды жоспарлап отырғаны мәлім.
Жаһандық жетістіктермен қатар Mars жергілікті бастамаларға да басымдық береді. Қазақстанда компания қоғам өміріне тікелей әрі өлшенетін әсер ететін жобаларға назар аударып келеді. Солардың ішінде негізгі бағыттардың бірі — «Дара» қорымен серіктестік. Бұл ынтымақтастықтың арқасында ерекше қажеттіліктері бар ондаған бала білім беру ортасына бейімделіп, шығармашылық шараларға қатысу мүмкіндігіне ие болды. Мұның барлығы инклюзивті әрі тұрақты әлеуметтік ортаны қалыптастыруға ықпал етеді.
Компанияның тұрақты даму мақсаттарын жүзеге асыруда корпоративтік волонтерлік айрықша рөл атқарады. Mars Volunteer Program бағдарламасы қызметкерлерге жылына 16 сағатқа дейін ақылы уақыт ұсынып, оларды әлеуметтік және экологиялық жобаларға қатысуға ынталандырады. Қазақстанда бұл бастама білім беру бағдарламаларын қолдау, экологиялық іс-шаралар мен жануарлар панасына жәрдемдесу арқылы жүзеге асуда. Ал жаһандық деңгейде Mars қызметкерлері волонтерлікке бір миллионнан астам сағат арнады, әрі компания бұл көрсеткішті болашақта едәуір ұлғайтуды жоспарлап отыр. Қазақстандағы Mars қызметкерлері жыл сайын әлеуметтік және экологиялық бастамаларға қатысады: таулы аймақтарда аумақтарды тазалау, ағаш отырғызу, қайта өңдеу кәсіпорындары мен балаларға арналған оңалту орталықтарына бару, үй жануарлары паналарына көмек көрсету — соның айғағы.
«Mars үшін тұрақты даму қағидаттарының әрбір елде нақты жүзеге асуы аса маңызды. Қазақстанда біз білім беру бастамаларынан бастап, жануарларды қорғау мен экологиялық ортаны жақсартуға дейінгі жобаларды іске асырамыз. Біздің мақсатымыз — әрбір әрекетіміз компания құндылықтарын ғана емес, сонымен қатар елдің тұрақты дамуына қосқан нақты үлесті де айқын көрсетсе дейміз», — деді Mars компаниясының Орталық Еуразиядағы бас менеджері Арман Сүтбаев.
Әлеуметтік жобалардан бөлек, Mars экологиялық экономиканы дамыту бағытын белсенді ілгерілетуде. Тұрақтылықты іс жүзінде көрсететін айқын мысалдардың бірі – апсайклинг жобалары. Қазақстанда қайта өңделген сауда жабдықтары мен жарнамалық құрылымдар «екінші өмірге» ие болып, олардың негізінде жануарлар үшін баспаналар мен ойыншықтар жасалады, барлық қауіпсіздік талаптары сақталады. Осылайша материалдар қалдыққа айналмай, жануарлардың ұсталатын жағдайларын жақсартуға көмектеседі.
Аталған бастама үй жануарларын қолдаудың кең ауқымды бағдарламасымен табиғи түрде ұштасады: Mars тұрақты түрде приюттарға барып, WHISKAS®, PEDIGREE®, CHAPPI®, KITEKAT® брендтерінің өнімдерін жеткізеді әрі үй жануарлары үшін ыңғайлы әрі қауіпсіз қалалар құруға бағытталған жобаларға қатысады.
Mars компаниясы тұрақты дамуды өзінің жаһандық стратегиясының құрамдас бөлігі әрі бизнесті жүргізудің негізгі қағидаты ретінде қарастырады. Инклюзия, экологиялық экономика және жануарларды қорғау саласындағы бастамаларды жүзеге асыра отырып, компания жаһандық тұрақты даму мақсаттарына өз үлесін қосып, жергілікті іс-әрекеттердің жалпы прогресс үшін стратегиялық маңызға ие екенін көрсетеді.
Сіз жаңалықтар туралы не ойлайсыз