AstraZeneca халықаралық биофармацевтикалық компаниясы алғаш рет Қазақстанда іске асырылған бастамалары үшін Stevie Awards 2025 беделді іскерлік марапатының екі жүлдесін алды. Қазылар алқасы қызметкерлерге арналған ақпараттық-білім беру бағдарламасын және HR-менеджмент саласындағы цифрлық шешімдерді сәтті енгізу жобасын жоғары бағалады.
Stevie Awards әлемдегі жетекші іскерлік марапаттардың бірі болып табылады және жыл сайын менеджмент, инновациялар, HR, маркетинг және корпоративтік коммуникациялардағы үздік тәжірибелер үшін компанияларға беріледі. Жеңімпаздарды 250-ден астам халықаралық сарапшылардан тұратын тәуелсіз қазылар алқасы анықтайды. Жыл сайын байқауға қатысу үшін 70-тен астам елден 12 000-нан астам өтінім жіберіледі.
«Біз үшін 2025 жылы Stevie Awards жүлдесін алған Қазақстандағы жалғыз халықаралық компания атану – ерекше құрмет. Бұл марапат біздің бағытымыздың дұрыстығын дәлелдейді: процестерді қарапайым әрі ашық ету, ал коммуникацияны мазмұнды етіп, пациенттердің игілігіне бағыттау. Біз қызметкерлеріміздің науқастардың қиындықтарын жақсы түсініп, өз жұмыстарының маңызын толық сезіне алуына алып келетін шешімдерге инвестиция жасауды жалғастырамыз», – деп атап өтті AstraZeneca Қазақстан Кадрлар және ішкі коммуникациялар бөлімінің басшысы Салтанат Зикибаева.
AstraZeneca Kazakhstan ішкі коммуникация жобасын жүзеге асырғаны үшін Stevie Awards 2025 күміс жүлдесін алды. Бастама компания шығарып жатқан инновациялық дәрі-дірмектер емдейтін дерттер жайлы қызметкерлердің білімін арттыруға, сондай-ақ дер кезінде диагностика мен емделудің маңыздылығын түсіндіруге бағытталды. Бағдарламаға цифрлық коммуникация арналары, сарапшылардың қатысуымен өткен дәрістер, подкасттар мен интерактивті іс-шаралар кірді. Бұл қызметкерлерге тек білімін арттыруға емес, сонымен бірге өз жұмысының қаншалықты маңызды екенін жақсырақ түсінуге мүмкіндік берді.
«Бұл кампания коммуникацияның ұжымды біріктіріп, білім таратуға және қызметкерлер мен компания миссиясы арасындағы байланысты нығайтуға мүмкіндік беретінін көрсетті», – деп атап өтті халықаралық қазылар алқасы.
Қола жүлде AstraZeneca Қазақстан қағаз құжат айналымын толығымен ауыстырып, құжаттарға электронды түрде қол қою мүмкіндігін қамтамасыз ететін myBPO платформасын енгізу арқылы HR процестерін цифрландырылуы үшін берілді. Компанияның тұрақты даму бағытына сәйкес, жоба қағаз тұтынуды айтарлықтай азайтып, экологияға оң әсерін тигізді. Қазылар алқасы бұл қадамды заманауи технологиялар HR функцияларын қалай өзгерте алатынын және бизнестің тұрақтылығын жақсарта алатынын көрсететін стратегиялық негізделген шешім деп атады.
Stevie Awards жүлделері AstraZeneca Қазақстан компаниясының тұрақты корпоративтік мәдениет қалыптастыруға бағытталған еңбегін маңызды мойындау болды. Бұл мәдениетте қызметкерлердің белсенділігі мен үдерістердің тиімділігі үздіксіз инновациялармен ұштасып, компанияға, оның командасына және пациенттеріне жаңа мүмкіндіктер ашады.
AstraZeneca компаниясы туралы
AstraZeneca – онкология, кардиология, нефрология мен зат алмасу бұзылыстары, респираторлық, аутоиммунды және сирек кездесетін аурулар сияқты терапиялық бағыттарда рецептуралық дәрілік препараттарды зерттеуге, әзірлеуге және нарыққа шығаруға маманданған халықаралық инновациялық биофармацевтикалық компания. Компанияның штаб-пәтері Ұлыбританияның Кембридж қаласында орналасқан, және AstraZeneca 100-ден астам елде өкілдікке ие. Оның инновациялық дәрі-дәрмектерін бүкіл әлем бойынша миллиондаған пациенттер пайдаланады.
Сіз жаңалықтар туралы не ойлайсыз