26 қыркүйекте Республика Сарайында бүкіл аймақтан пікір көшбасшыларын, кәсіпкерлерді, мемлекеттік қайраткерлерді, сарапшыларды, БКҰ және корпоративтік сектор өкілдерін біріктіретін BeWoman Asia ғаламдық форумы өтеді.
Жоба «The Power of Generations / Ұрпақтар күші» тақырыбымен өтеді. Ол білімге, технологияларға, адами капиталға және жаңа нарықтарды дамытуға ұзақмерзімді инвестицияларды, сондай-ақ ұрпақтар сабақтастығын ерекше атап көрсетеді. Мұнда аға буынның даналығы мен жастардың энергиясы тоғысып, болашаққа жаңа идеялар мен шешімдер туады.
Форумның негізгі тақырыптары: Жасанды интеллект пен цифрлық трансформация, ESG және тұрақты инвестициялар, әйелдер кәсіпкерлігі мен қаржы, білім мен әлеуметтік ықпал, креативті экономика және мәдени дипломатия.
Жобаның негізін қалаушы Жанна Канның айтуынша: «Қоғамның трансформациясы әртүрлі салаларды біріктіргенде, жастарды қолдағанда және әйел—көшбасшылардың өзгерістер агенті ретіндегі әлеуетін ашқанда ғана мүмкін болады. Біз тек мотивация емес, сонымен қатар практикалық құралдар — білім, ресурстар мен жаһандық байланыстар беруге тырысамыз, олар идеяларды жүзеге асыруға көмектеседі».
Сонымен қатар, Be woman Asia қамқоршылық кеңесін ҚР Мәдениет және ақпарат министрі Аида Балаева және ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрағасы басқарады: «Бүгінгі таңда әйелдердің тең құқықтары мен мүмкіндіктері мәселесі президенттік реформалардың басымдықтарының бірі. Қазақстан әйелдерді қолдауға бағытталған прогрессивті саясатты дәйекті түрде жүргізуде: тең құқықтар мен мүмкіндіктер туралы, тұрмыстық зорлық—зомбылықтың алдын алу туралы заңдар жетілдірілді.
Гендерлік теңдік саласында маңызды реформалар іске асырылды: партиялық тізімдерде әйелдер мен жастар үшін міндетті квота енгізілді, бұрын әйелдер үшін қолжетімсіз 213 кәсіптің тізімі жойылды, әйелдер кәсіпкерлігін дамыту орталықтары ашылды. Бұл қадамдар Қазақстанға жаһандық гендерлік алшақтық индексіндегі өз позициясын айтарлықтай нығайтуға мүмкіндік берді.
Азаматтық белсенділердің бастамасына айналған BE WOMAN форумы—теңдік пен қауіпсіздікті қорғау, мүмкіндіктерді кеңейту жөніндегі жұмыстың қисынды жалғасы.
Бүгінгі таңда BE WOMAN идеялар алаңына ғана емес, сонымен қатар әйелдерді дамуға ынталандыратын маңызды жобалардың біріне айналуда.
Қазақстандық әйелдер мемлекет жұмысының нәтижелерін күшейтетін және еліміздің халықаралық диалог пен көшбасшылық орталығы ретіндегі мәртебесін нығайтатын жаһандық ауқымдағы іс — шараға бастамашы болды», — деп атап өтті министр.
Өткен жылы сияқты биыл да Алматыны шабыттандыратын баяндамалар, бірнеше сахнада өтетін 10-нан аса панельдік сессиялар және нетворкингтен тұратын 9 сағаттық бағдарлама күтіп тұр.
Халықаралық спикерлердің қатарында: Брайан Трейси (онлайн), Рита Макграт (Rita McGrath), Ахми Мур Аоки (Ayumi Moore Aoki), Лианн Робертс (Leanne Robers), Владимир Познер, Ирина Хакамада, Татьяна Ким, Игорь және Екатерина Рыбаковтар, сондай-ақ Қазақстан, Австрия, Әзірбайжан, Бразилия, Ұлыбритания, Германия, Қытай, Қырғызстан, Үндістан, Иран, Италия, БАӘ, Пәкістан, Ресей, Сингапур, АҚШ, Тунис, Өзбекстан, Франция және Оңтүстік Кореялық танымал сарапшылар мен пікір көшбасшылары бар.
BeWoman Asia— бұл болашақ, технология, бизнес, денсаулық және әйелдердің әлеуметтік рөлі туралы ашық диалог алаңы. Мұнда келешекті айқындайтын мәселелер талқыланады және бір елдің немесе аймақтың шеңберінен шығатын жобалар жасалады. Осылайша, Алматыда СКОЛКОВО Басқару мектебінің «BeWoman форумын өткізу Қазақстандағы әйелдер бизнесіне қалай әсер етті?» атты зерттеуі таныстырылады.
Сонымен қатар жас суретшілерді қолдау мақсатында Орталық Азия елдерінде «Болашақты суреттей отырып» атты стипендиялық бағдарлама өтуде. Қазақстан, Қырғызстан, Өзбекстан, Тәжікстан және Түрікменстан қатысушыларының жұмыстары 10 тамызға дейін қабылданды. 31 тамызға дейін өтініштердің ішінен 455 финалистер іріктеледі, ал 20 қыркүйекте Almaty Gallery-де олардың көрмесінің ашылуы өтеді.
Айта кетейік, алғашқы BeWoman форумы Алматыда 2025 жылы өткен еді: бұған дейін Ташкентте пилоттық жоба іске асырылып, Қазақстанның мәдени астанасында өңірлік спикерлермен қатар Мэй Маск, Татьяна Ким, Ксения Собчак, Арсен Томский және басқалар сөз сөйледі. Онлайн және офлайн форматында 13 елден 9000-нан астам көрермен қатысты.
Форумға тіркелу ашық, орын саны шектеулі. Қосымша ақпарат ресми сайтта: bewoman.asia
Сіз жаңалықтар туралы не ойлайсыз