Мемлекет басшысы Қасым-Жомарт Тоқаевтың бастамасымен елімізде «Таза Қазақстан» ауқымды республикалық экологиялық акциясы өтуде.
«Таза Қазақстан акциясы аясында 1,6 млн тоннадан астам қалдық жиналып, 859 мың га аумақ тазартылды
Бүгін еліміздің болашағына тікелей әсер ететін маңызды бастама жайлы бөліскім келеді. Мемлекет басшысының тапсырмасы бойынша 2024–2029 жылдарға арналған «Таза Қазақстан» экологиялық мәдениетті дамыту тұжырымдамасы бекітілді.
Мен үшін бұл жай ғана құжат емес – бұл әрекетке арналған нақты бағдар. Ол табиғатты қорғауға жаңаша көзқарас қалыптастырып, қоршаған ортаны бағалай білуге, оны келер ұрпаққа аманат етуге үндейді. Ең бастысы – бұл іске мемлекет те, бизнес те, азаматтық қоғам да бірлесіп атсалысып отыр.
Тұжырымдамада елді мекендерді көгалдандыру, эковолонтёрлік қозғалысты дамыту, тұрмыстық қалдықтарды бөлек жинауды жолға қою және экологиялық білім мен тәрбиені күшейту секілді нақты бағыттар қамтылған», — деп жазды депутат Бауыржан Смағұлов әлеуметтік желідегі парақшасында.
Фото: Таза Қазақстан.
Сіз жаңалықтар туралы не ойлайсыз