Республикалық маңызға ие А-17 «Қызылорда – Жезқазған» автожолының (216–424 км) учаскесінде қайта жаңғырту жұмыстарының белсенді кезеңі жалғасуда. Бұл жұмыстар көлік инфрақұрылымын жаңғыртуға бағытталған ұлттық жоба аясында жүзеге асырылуда.
2025 жылғы 19 шілдеден бастап аталмыш учаскеде асфальт төсеу жұмыстары басталды. Құрылыс-монтаж жұмыстары бекітілген кестеге сәйкес, барлық техникалық талаптар мен қауіпсіздік нормаларын сақтай отырып жүргізілуде.
А-17 трассасы – еліміздің оңтүстік және орталық өңірлерін байланыстыратын маңызды көлік артериясы. Осы жол учаскесін жаңғырту тұрақты логистиканы қамтамасыз ету, экономикалық белсенділікті арттыру және халықтың өмір сүру сапасын жақсарту тұрғысынан стратегиялық маңызға ие.
Қайта жаңғырту жұмыстары аяқталғаннан кейін жолдың өткізу қабілеті едәуір артып, өңірдің көлік жүйесінің тұрақты дамуына қажетті жағдайлар жасалады деп күтілуде.
Сіз жаңалықтар туралы не ойлайсыз