«Jusan Garant сақтандыру компаниясы» АҚ ребрендинг рәсімінің аяқталғаны туралы ресми хабарлайды. 2025 жылғы 14 шілдеден бастап компания «Alatau City Garant сақтандыру компаниясы» АҚ жаңа атауымен жұмыс істейді. Заңды атауды мемлекеттік қайта тіркеу белгіленген тәртіпке сәйкес жүргізілді.
Ребрендинг клиенттерге ұсынылатын сақтандыру қызметтерінің сапасы есебінен нарықтық позицияларды нығайтуға және бренд туралы хабардарлықты арттыруға бағытталған, Топтың стратегиялық дамуының бір бөлігі болды. Бұл ретте өзгерістер тек фирмалық стиль мен атауға ғана қатысты: клиенттер, серіктестер және контрагенттер алдындағы барлық қолданыстағы міндеттемелер толық көлемде сақталады. Филиалдардың өңірлік желісі әдеттегі режимде — үзіліссіз және шектеусіз жұмысын жалғастырады.
Компания визуалды сәйкестікті жаңарту – кеңселерді, өкілдіктерді, цифрлық платформаларды және маркетингтік материалдарды безендіру — сабақтастық қағидаттарын сақтай отырып және клиенттерге ыңғайлылыққа бағдарлана отырып, кезең-кезеңімен жүргізілетінін атап өтті.
«Alatau City Garant СК» АҚ сақтандыру өнімдерінің желісін дамыта отырып, технологиялық шешімдерді күшейте отырып және заманауи клиенттік сервиске инвестиция сала отырып, орнықты өсу стратегиясын іске асыруды жалғастырады.
«Alatau City Garant сақтандыру компаниясы» АҚ — Қазақстанның жалпы сақтандыру нарығының көшбасшыларының бірі. Сақтандыру төлемдерінің көлемі бойынша ТОП-3 компанияларға және сақтандыру сыйлықақыларын жинау бойынша он ірі сақтандырушылардың қатарына кіреді. Компания Қазақстан Республикасының бүкіл аумағында корпоративтік клиенттер мен жеке тұлғалар үшін сақтандыру шешімдерінің кең спектрін ұсынады.
Сіз жаңалықтар туралы не ойлайсыз