«Alatau City Garant» СК» АҚ нарыққа жеке кәсіпкерлер үшін жаңа өнімді – «Бизнес плюс» мүлікті және қызметтегі үзілістен залалдарды сақтандыруды ұсынады.
Бағдарламаның басты ерекшелігі — сақтандыру жағдайы басталған кезде Компания мүлікке келтірілген залалды ғана емес, сонымен қатар жұмыстың тоқтап қалуына байланысты залалдарды да өтейді. Атап айтқанда, үш ай ішінде сақтандырушы коммерциялық үй-жайды жалға алу, қызметкерлердің жалақысы және өзге де байланысты шығыстар бойынша міндеттемелерді өзіне алады.
Сауда және қызмет көрсету кәсіпорындары сақтандыру шартын жасай алады. Бұл -дүкендер, кафелер, асханалар, наубайханалар, гүл сататын дүкендер, шаштараздар мен барбершоптар, фитнес-клубтар, құрғақ тазалау, автомобильдерге қызмет көрсету станциялары, көлік жуу және жанармай құю бекеттері. Кәсіпкерлер ғимараттарды, оның ішінде жалға алынған ғимараттарды, соның ішінде ішкі әрлеу мен жылжымалы мүлікті сақтандыра алады.
Полис қорғайтын тәуекелдер пакеті кең, олар өрт, жарылыс, найзағайдың соғуы, коммуналдық авариялар, тонау және қарақшылық, жер сілкінісі, су тасқыны және дауыл сияқты табиғи апаттар. Залалды өтейтін сақтандыру сомасын клиент өз бетінше таңдайды. Мүмкін болатын ең жоғары сома — 40 млн. теңге, бұл ретте тоқтап қалудан болған залалдар бойынша ең жоғары өтемақы — 8 млн.теңгеге дейін.
Бұл ретте жылдық сақтандыру шартының құны 43 мың теңгеден басталады.
Сақтандыру бағдарламасы өзекті және шағын бизнес үшін үлкен маңызға ие.
Қазақстанда 1,8 млн. жеке кәсіпкер бар. Статистикаға сәйкес, сауда нысандарындағы өрттердің саны өсуде, 2024 жылы 481 өрт тіркелді, 2023 жылы 424 өрт тіркелді.
Біз Сіздің бизнесіңіз үшін тыныштықты қамтамасыз етеміз.
Сіз жаңалықтар туралы не ойлайсыз