Қызметкер іздеу тек уақытты ғана емес, сонымен қатар стратегиялық тәсілді талап етеді. OLX.kz аналитикалық қызметі 150 000 вакансияны зерттеп, хабарландырулардың тиімділігіне әсер ететін факторларды анықтады. Бұл тұжырымдар жұмыс берушілерге іріктеу процесін оңтайландырып, бос орындарды жылдамырақ жабуға көмектеседі.
Хабарландыруларға жауапқа әсер ететін негізгі факторлар
Ең алдымен ескеретін жайт – маусымдық ерекшеліктер. OLX.kz деректеріне сәйкес, жұмыс берушілер ең көп жауапты қаңтар, ақпан және наурыз айларында алады. Еңбек нарығында бұл кезең дәстүрлі түрде «маусымнан тыс уақыт» саналса да, дәл осы кезде жұмыс берушілер арасындағы бәсекелестік төмен болып, әр хабарландыру ізденушілер тарапынан көбірек назарға ілігеді.
Тағы бір маңызды фактор – вакансияның жариялану ұзақтығы. 30 күннен артық белсенді тұрған хабарландырулар жауап саны бойынша жақсы динамика көрсетеді. Бұл әсіресе үміткерлердің саны емес, сапасы маңызды саналатын позициялар үшін өзекті. Ұзақ жарияланым хабарландырудың көрінуін арттырып, іріктеу тізімдеріне жиірек түсіп, қажетті аудиторияның назарын аударуға мүмкіндік береді.
Үшінші маңызды фактор – жалақы мөлшерінің көрсетілуі. OLX.kz деректеріне сәйкес, 300 000 теңгеден жоғары еңбекақы көрсетілген вакансиялар орта есеппен 36 жауап алады. Ал жалақысы көрсетілмеген хабарландырулар – небәрі 28. Жалақы деңгейі – жұмыс іздеушілер қолданатын басты сүзгілердің бірі. Сондықтан бұл ақпараттың болмауы хабарландырудың қамту аясын едәуір тарылтады – яғни, ол қызығушылық танытатын мамандардың көзіне түспей қалуы мүмкін.
OLX.kz сайтындағы хабарландырулардың небәрі 2%-ы қашықтан жұмыс істеу мүмкіндігін ұсынғанымен, дәл осындай вакансиялар ең жоғары жауап санын жинайды – орта есеппен 47. Салыстыру үшін айтсақ, кеңседе жұмыс істеуге арналған стандартты позицияларға шамамен 30 адам жауап береді. Бұл көрсеткіш тағы бір маңызды үрдісті растайды: икемділік – қазіргі еңбек нарығында барған сайын маңызды факторға айналуда. Қашықтан немесе аралас жұмыс кестесін ұсыну ұсыныстың тартымдылығын арттырады.
Жарияланған вакансияны алға жылжытатын ақылы құралдарды пайдалану да елеулі әсер береді. Мысалы, “Турбо сату” қызметін қолданған жұмыс берушілер стандартты жарияланыммен салыстырғанда 2,5 есе көп жауап алады. Тіпті қолжетімді “Жедел сату” функциясы да нәтижені екі еселейді. Мұндай құралдар жұмысшыны тез арада табу керек болғанда, апталап күтіп, орынсыз түйіндемелерді сұрыптамай-ақ, іздеу үдерісін жеделдетуге мүмкіндік береді.
OLX.kz аналитикасы бойынша Түркістан, Алматы, Ақмола және Қызылорда облыстарында жарияланған вакансиялар орта есеппен 34,5 жауап алады. Бұл республикалық орташа көрсеткіштен (23,5) әлдеқайда жоғары және ізденушілердің белсенділігін көрсетеді. Егер сіз осы өңірлердің бірінде вакансия жарияласаңыз – бұл сіздің бәсекелік артықшылығыңыз. Сонымен қатар, өңірлік жұмыс берушілер кадр іздеу шеңберін кеңейту үшін релокация немесе қашықтан жұмыс форматын қарастырғаны жөн.
OLX.kz сайтындағы барлық вакансиялардың 72%-ы үш жылдан асқан аккаунттардан жарияланады. Алайда зерттеу көрсеткендей, аккаунттың жасы жауап санына айтарлықтай әсер етпейді. Ең бастысы – вакансия мәтінінің сапасы, талаптардың ашықтығы және үміткерлермен дер кезінде байланыс орната білу.
Ең көп жауап алатын вакансиялар дәстүрлі түрде келесі салаларда тіркеледі: күзет, тәжірибеден өту (стажировка), маркетинг, құрылыс және тағы басқалар. Бұл 14 сала барлық санаттардың жартысын қамтиды және барлық жауаптардың 80%-ын жинайды – бұл үміткерлер тарапынан тұрақты сұранысты көрсетеді.
Вакансияны орналастыру тиімділігін арттыру үшін, осы салаларда болсын немесе басқа бағыттарда болсын, бірнеше негізгі факторларды ескерген жөн.
Үміткерді жылдамырақ табу үшін не істеу керек:
- Жалақы мөлшерін көрсетіңіз – бұл хабарландыруға деген сенімділік пен көрінуді арттырады.
- Қашықтан немесе аралас жұмыс форматын ұсыныңыз – мұндай ұсыныстар көбірек жауап алады.
- Хабарландыруды 30 күннен артық белсенді ұстаңыз – ол көбірек аудиторияны қамтиды.
- Ақылы ілгерілету құралдарын пайдаланыңыз – олар іздеу процесін 2-2,5 есе жылдамдатады.
Сіз жаңалықтар туралы не ойлайсыз