Каско ерікті автосақтандыру бойынша сыйлықақылардың жалпы көлемі 2024 жылы 106 млрд. теңгені құрады. 2023 жылы қазақстандық сақтандырушылар каско бойынша 120 млрд. теңге жинаған болатын. Бір жыл ішінде құлдырау 14 млрд. теңгені құрады. Бір қызығы, каско шарттарының саны, керісінше, бір жылда 15 640-қа өсті: 2024 жылы 374 433 полис рәсімделсе, ал 2023 жылы 358 793 полис рәсімделген болатын.
Jusan Garant мамандарының пікірінше, касконың сандық түрде өсуі автокредиттерге сұраныстың артуымен тікелей байланысты. Мәселен, бірінші кредиттік бюроның деректері бойынша, өткен жылы қазақстандықтар автомобиль сатып алуға 228,4 мың қарыз ресімдеді, бұл 2023 жылдан 5,7%-ға артық. Қарыздың орташа мөлшері 8 млн. теңгені құрады. ҚР Ұлттық Банкі мұның себебін 2024 жылдың екінші жартысында автосалондар жариялаған автонесиелеу бойынша түрлі маркетингтік және науқандық ұсыныстарда деп атады. Автокредит бере отырып, банктер қарыз алушыны автосақтандыруды ресімдеуге міндеттейді, яғни бұл касконың 228 мыңнан астам полисі.
Сондай-ақ, жүргізушілердің ЖКО кезінде залалды өтейтін шектеулі каскоға деген сұранысының артуы да маңызды рөл атқарды. Мұндай автосақтандыру бағдарламаларын қазір бірқатар сақтандыру компаниялары ұсынады. Олар тәуекелдердің толық пакеті бар классикалық каскоға қарағанда әлдеқайда арзан. Jusan Garant-та ЖКО кезінде қорғайтын касконың құны 30 мың теңгеден басталады және ол сақтандыру сомасына байланысты. Жыл басынан бері жүргізушілер компанияда осындай 1000-нан астам автокөлікті сақтандыруды онлайн ресімдеді.
Шектелген касконың қол жетімді бағасы сақтандырудың осы түрі бойынша сыйлықақы алымдарының төмендеуіне әсер еткен сияқты — полистер саны өсуде және алымдар алдыңғы кезеңдермен салыстырғанда төмендеуде.
Автокредиттерге сұраныс өсуде — биылғы жылдың бірінші тоқсанында, Қазақстан қаржыгерлері қауымдастығының мәліметтері бойынша, банктер автомобиль сатып алуға 213 мың қарыз берді, бұл өткен жылдағыдай дерлік. Бәлкім, үрдіс жалғасатын шығар – каско сандық түрде өсе береді, бірақ сыйлықақылар алымдары төмендей береді: биылғы жылдың төрт айында сақтандырушылар каско бойынша 27,9 млрд. теңге жинады, бұл өткен жылдың сәйкес кезеңінен 5 млрд. теңгеге аз.
Сіз жаңалықтар туралы не ойлайсыз