Баламалы инвестициялық құралдарға қызығушылықтың артуы аясында Қазақстандағы инвесторлар микроқаржы ұйымдарының (МҚҰ) облигацияларына көбірек назар аудара бастады. Бұл портфельді әртараптандырудың және классикалық облигациялармен салыстырғанда неғұрлым жоғары табыстылық алудың тиімді тәсілдерінің бірі. Осындай құралдардың негізгі ерекшеліктері, тәуекелдері, артықшылықтары мен кемшіліктері туралы «Робокэш.кз» МҚҰ («Займер» бренді) талдаушылары егжей-тегжейлі айтып береді.
МҚҰ облигацияларын сатып алуды шағын бизнеске инвестициялармен салыстыруға болады. Өйткені МҚҰ орналастыру шеңберінде алынған қаражатты жеке тұлғаларға немесе шағын бизнеске микрокредиттер беруге, сондай-ақ жаңа өнімдер мен цифрлық инфрақұрылымды дамытуға пайдаланады.
Алайда, бұл құрал бизнеске инвестиция салудан гөрі түсінікті әрі болжамды. Біріншіден, мұндай облигациялар бойынша табыстылық жылдық 20%-дан асады, бұл мемлекеттік облигацияларға немесе банктік депозиттерге салыстырғанда әлдеқайда жоғары.
Бұдан басқа, Қазақстанда МҚҰ қызметі қатаң регламенттелген, өйткені оны Қаржы нарығын реттеу және дамыту агенттігі лицензиялайды және бақылайды, ал облигациялар шығару алдында компания сыртқы аудит процедурасынан өтуі және қор биржасының (KASE немесе AIX) талаптарына сәйкес келуі тиіс.
Акциялардан айырмашылығы, облигациялар тұрақты кіріс ағынын қамтамасыз етеді – әдетте, олар бойынша купондар тоқсан сайын немесе жарты жылда бір рет төленеді. Бұл ретте кейбір шығарылымдар инвесторларға 50 000 теңгеден бастап қолжетімді. Әрине, кез келген қаржы құралы сияқты облигациялардың да инвестор білуі тиіс кейбір тәуекелдері бар.
Олардың ең бастысы – МҚҰ-ның ықтимал дефолты. Ұйым портфельдегі проблемалық қарыздардың жоғары үлесіне немесе сыртқы экономикалық факторларға байланысты инвесторлар алдындағы міндеттемелерін орындай алмауы мүмкін. Мұндай салымдар банктік депозиттер сияқты кепілдендіру жүйесімен қорғалмаған. МҚҰ облигациялары шектеулi түрде, әсiресе қайталама нарықта саудаланады. Қағаздарды мерзімінен бұрын сату қиын болуы мүмкін. Реттеуді күшейту немесе саясаттың өзгеруі МҚҰ бизнесіне және олардың борышқа қызмет көрсету қабілетіне әсер етуі мүмкін.
Алайда биржаларда құнды қағаздары саудаланатын компаниялар тоқсан сайын қаржылық есептілігін жариялайды, ал онымен танысу ықтимал тәуекелдерді алдын ала талдауға мүмкіндік береді.
Мысалы, жақында «Робокэш.кз» МҚҰ (Займер бренді) KASE биржасында облигацияларын орналастырды. Компанияның мықты бизнес-профилі, қарыз жүктемесінің төмен деңгейі және қаржылық есептілікті тұрақты түрде ұсынуы оның сенімділігін дәлелдейді. Осының бәрі «Робокэш.кз» МҚҰ-ға қазақстандық қор нарығындағы ең сенімді эмитенттердің біріне айналуына мүмкіндік береді.
Дебюттік орналастыру аясында табыстылығы 10% болатын, екі жылдық долларлық облигациялар шығарылып, жалпы сомасы $2 млн құрады (тикер – MFRCb1). Бұл облигациялардың артықшылығы – олар барлық бөлшек инвесторлар үшін қолжетімді. Ең төменгі инвестиция көлемі небәрі $100 құрайды, бұл құнды қағаздар нарығындағы жолын енді бастаған жеке тұлғалар үшін де тартымды етеді.
Бұл ретте купонды төлеу тоқсан сайын жүзеге асырылатын болады. Бірақ ең бастысы – инвесторлар алған табысына қолданыстағы заңнамада көзделген салық салынбайды.
Бұдан бөлек, жылдық 10% табыстылық мөлшерлемесі АҚШ долларында банктік депозиттермен салыстырғанда айтарлықтай тартымды көрінеді, себебі валютадағы орташа табыс мөлшері депозиттерде 1%-ға да әрең жетеді.
Айта кетейік, «Робокэш.кз» МҚҰ – берілген қарыздар көлемі бойынша 30% үлесімен қысқа мерзімді микрокредиттеу нарығының көшбасшысы. Компания 2,8 млн клиентке қызмет көрсетеді, ел бойынша 155-тен астам бөлімшесі бар және қаржылық көрсеткіштерінің тұрақты өсуін көрсетеді: 2024 жылғы 12,0 млрд теңге таза пайда және 48% ROE – сектордағы үздік нәтижелердің бірі. Сондай-ақ, қарыздың төмен деңгейін атап өткен жөн – меншікті капиталдың (24,7 млрд теңге) жиынтық активтерге (29,6 млрд теңге) арақатынасы 83%-ды құрайды, бұл компанияның қаржылық тұрақтылығын көрсетеді. Бұл деректер МҚҰ-ны инвесторлар үшін, әсіресе NPL (3,7%) төмен үлесін ескере отырып, қызықты етеді. Сондай-ақ, өздерінің кредитті өтеу қабілеті мен адалдығын дәлелдеген қайталама қарыз алушылардың үлесі барлық аударымдардың 90%-ын құрайтындығына байланысты.
«Робокэш.кз» МҚҰ облигацияларын қалай сатып алуға болады
Робокэш.кз МҚҰ облигацияларының иесі болу үшін инвесторға BCC Invest компаниясынан брокерлік шот ашу жеткілікті. Бұл шотты онлайн түрде — BCC Trade қосымшасы арқылы немесе офлайн — компания кеңсесіне барып ашуға болады. Сатып алу процесі интуитивті түрде түсінікті: тикерді іздеуден бастап SMS арқылы мәмілені растауға дейінгі барлық қадамдар осы жерде қолжетімді.
Робокэш.кз қаржы-технологиялық компаниясы (Займер бренді) жеке инвесторларға арналған жаңа онлайн-ресурсты – Invest.zaimer.kz ұсынды.
Платформа компанияның инвестициялық құралдарының ашықтығын арттыру және халық арасында қаржылық сауаттылықты танымал ету мақсатында құрылған. Саналы инвестиция: теориядан тәжірибеге дейін. Сайтта Робокэш.кз «Займер бренді» микроқаржы ұйымының облигациялар шығарылымдары туралы толық ақпарат, аудиторлық есептер, жаңалықтар ұсынылған. Пайдаланушылар шығарылым параметрлерімен, өтеу мерзімдерімен, табыстылық мөлшерлемелерімен және ағымдағы есептілікпен таныса алады.
Сайт мына мекенжай бойынша қолжетімді: https://invest.zaimer.kz/, сондай-ақ https://web.telegram.org/k/#@invest_zaimer_kz
Сіз жаңалықтар туралы не ойлайсыз