Балалар гольф академиясы жас спортшыларға жыл бойы жаттығуға мүмкіндік беретін заманауи кеңістікті, яғни өзінің жаттығу орталығын ашты. Жобаны Еуразиялық банктің қолдауымен қазақстандық гольф федерациясы жүзеге асырды.
«Гольфтағы жол кез келген басқа кәсіби спорттағыдай ұзақ. Балалар жүйелі түрде әрі үнемі жаттығуы керек. Бұрын қыста біз басқа клубтардағы жабық жерде жаттығатын едік, енді дәл осы жерде академияның жаңа ғимаратында дайындалу мүмкіндігіне ие болдық», — деді Zhailjau Golf Academy жетекшісі Илья Свиденко.
Жеке жаттығу корпусының ашылуы 2023 жылдан бері жұмыс істеп келе жатқан академияның дамуындағы маңызды кезең болды. Осы уақыт ішінде 7 мен 15 жас аралығындағы 380-ден астам бала жаттығып шықты.
Алматыда жас спортшыларды оқыту айына 40 000 теңгені құрайды — бұл сома жаттықтырушылардың жұмысы мен спорттық құрал-жабдықтарды қамтиды. Ерекше білім беру қажеттіліктері бар балалардың тегін айналысатынын атап өту қажет.
Бүгінде академияда 100-ге жуық бала жаттығуда. Олардың арасында халықаралық турнирлердің жеңімпаздары мен жүлдегерлері бар
«Біз гольфтың балаларға да, ата-аналарға да етене жақын бола бастағанын байқаудамыз. Спортқа бала кезінен араласып, тәлімгерлермен тұрақты жаттығулар жасап, нәтижесі көріне бастаған бастамаларды қолдау біз үшін маңызды. Бұны шын мәнінде мағыналы даму деп атар едім»,— деп атап өтті Еуразиялық банктің приват-банкинг жөніндегі басқарушы директоры Айгуль Аристанбекова.
Оқу орталығының ашылу құрметіне 90-ға жуық жас ойыншы қатысқан Zhailjau Charity Open Tournament балалар турнирі өтті. Кейбіреулер үшін бұл алаңдағы дебют болды, ал басқалары тәжірибе мен сенімділіктерін көрсетті. Біреулері жарысып жатқанда, басқалары шеберлік сабақтарына қатысып, гольф ойнап, интерактивті аймақтарда сыйлықтарға ие болып жатты.
Еуразиялық банк балалар спорты саласындағы білім беру және инфрақұрылымдық жобаларды іске асыруға қатыса отырып, көптеген жылдар бойы қазақстандық гольф федерациясымен ынтымақтастығын жалғастырып келеді.
Жас гольфшыларды алда ұлттық және халықаралық турнирлерге қатысуларын қоса алғанда, қарқынды спорт маусымы күтіп тұр. Алдағы іс-шаралардың қатарында Қазақстан чемпионаты, Қостанай, Бурабайдағы жарыстар және тамыз айындағы халықаралық турнир, сондай-ақ Өзбекстанға көшпелі тур бар.
Сіз жаңалықтар туралы не ойлайсыз