5–10 маусым аралығында Ақтау қаласында Атырау, Ақтөбе, Маңғыстау және Батыс Қазақстан облыстарынан келген 350 жас дарын қатысқан Jas tolqyn өңірлік байқауы өтуде.
Биылғы байқауға Батыс өңірінің түкпір-түкпірінен 1380 бала қатысуға өтініш білдірді. Соның ішінде 350-і екінші кезеңге іріктеліп өтті. Жыл сайын қатысуға ниеттілер санының артуы — жобаның танымалдығының, оған деген сенімнің және еліміздің жас буынының биік шығармашылық әлеуетінің айқын көрсеткіші.
Конкурс нәтижесінде 31 қатысушы Гран-при иегері атанып, жыл соңында Мәскеуде өтетін халықаралық «КҚК – Дарынды балаларға» байқауында Қазақстан атынан өнер көрсету құқығына ие болды. Гран-при иегерлерінің қатарына енген 10 жас талант пен шығармашылық ұжым:
- Әлеуметтік видео — Айша Серік (Атырау қ.)
- Аспаптық жанр (ансамбль) — халықтық ансамбль «Шашу» (Ақтөбе қ.)
- Аспаптық жанр (халық аспаптары, жеке орындау) — Ахмет Нұрпейіс (баян, Атырау қ.)
- Аспаптық жанр (классика, жеке орындау) — Сейіт Адім (саксофон, Атырау қ.)
- Хореография (ансамбль) — «Сымбат» ансамблі (БҚО, Чапаев ауылы)
- Хореография (соло) — Ульяна Ефремова (Атырау қ.)
- Дәстүрлі ән (ансамбль) — «Жас Қыран» ансамблі (Маңғыстау обл.)
- Дәстүрлі ән (соло) — Айым Гельманова (Ақтөбе қ.)
- Эстрадалық вокал (9–11 жас) — Айсұлу Мүрсін (Ақтөбе обл., Қарғалы ауылы)
- Эстрадалық вокал (12–14 жас) — Арнұр Жұбанов (Атырау қ.)
Байқау аясында қатысушылар Қазақстан мен Ресейдің жетекші ұстаздары мен мәдениет майталмандарынан шеберлік сабақтарын алуда. Бұл – өнер сахнасында жарқырау мүмкіндігі ғана емес, сонымен қатар кәсіби даму мен шығармашылық шыңдалуға арналған ерекше орта.
Jas tolqyn байқауы 2019 жылдан бері өткізіліп келеді және осы уақыт ішінде көптеген жаңа есімдерді танытып, балаларды өз қабілетін ашуға шабыттандыратын маңызды мәдени жоба ретінде танылды.
Жоба «Каспий Құбыр Консорциумы-Қ» АҚ-ның қолдауымен, қайырымдылық бағдарламасы аясында жүзеге асырылуда. Оның мақсаты – Батыс Қазақстан өңіріндегі дарынды балаларды қолдау, олардың шығармашылық әлеуетін дамыту және ұлттық мәдени мұраны сақтау.
«КҚК өз жұмысын жүргізіп отырған өңірлерде әлеуметтік жобаларды дамытуға айрықша көңіл бөледі. Біз жыл сайын денсаулық сақтау, экология салаларындағы бастамаларды қолдап, аз қамтылған отбасыларға жүйелі түрде көмек көрсетеміз. Ал мәдениет саласында Jas tolqyn – ең ауқымды әрі әсерлі жобаларымыздың бірі, — деді ҚР Үкіметімен байланыс жөніндегі АО “КТК-К” Бас директорының орынбасары Қайыргелді Қабылдин. — Біз дарынды балаларға қолдау көрсету – Қазақстан болашағына салынған инвестиция деп есептейміз. Мұндай қолдау мемлекет те, бизнес те басым бағыт ретінде қарастыруы қажет».
Сіз жаңалықтар туралы не ойлайсыз